<h3></h3> <h3>ئاژانسا خانی:</h3> <h3>پهیڤدارێ دەستەیا وەبەرھێنانێ ل ھەرێما کوردستانێ دیار كر: ههر ژ دهستپێكا دامهزراندنا دهستهیا وهبهرهێنانێ و ههتا نوكه ب كوژمێ پتر ژ ٧٠ملیار دۆلاران وان مۆلەت دایه پرۆژان و 90 ھزار دهلیڤێن کاری ژی بۆ خەلكێ ھەرێما کوردستانێ پهیدا كرینه" ههروهسا ههر ژ دهمێ دامهزراندنا كابینا نههێ یا جكومهتا ههرێما كوردستانێ ل 28 ی 7 ی 2019 ێ" 374 پرۆژان مۆلهت وهرگرتییه و ب سهرمایێ 15 ملیار 432 ملیۆن دۆلاران و د كابینا نههێ یا حكومهتا ههرێما كوردستانێ دا زۆرترین مۆلهتێن وهبهرهێنانێ ب پرۆژێن پیشهسازی هاتینهدان</h3> <h3>بەرگەشت ئاکرەیی، زێدهتر بۆ ئاژانسا خانی دیار كر: رێنمایێن دهرستهیا وهبهرهێنانێ وهسا دهرچووینه كو ل ھەرێما کوردستانێ ھەر پڕۆژەكێ بهێته ئەنجامدان پێدڤییه 75% ێ کرێکارێن ناڤخۆیی بن و ب تنێ 25% ێ كرێكارێن بیانی بن كو لدووڤ پێدڤییا پرۆژان بن، ئەڤێ وهکرییە دەلیڤێن كاری بۆ کرێکارێن ناڤخۆ پتر ههبن، د کابینا نههێ یا حکومەتا ھەرێما کوردستانێ دا و لدووڤ ئامارێن لبەردەستێ مە 90 ھزار دهلیڤێن پهیدا بووینه، نوكه مەرجە بۆ پڕۆژان ئەو ڕێنماییە بهێنه بجهئینان و بەردەوام ژی چاڤدێرییێ دکەین بۆ هندێ کرێکارێن ناڤخۆ پتر مفاداربن.</h3> <h3>ناڤهاتی گۆت ژی: ههر ژ دهمێ دامهزراندنا دهستهیا وهبهرهێنانێ یا حکومەتا ھەرێما کوردستانێ دا ئەو پڕۆژێن هاتینه پێشکێش کرن 2 ھزار و 305 پڕۆژە بووینە و ئەوێن هاتینه پەسەندکرن ھزار و 546 پڕۆژە بووینە كو ب كوژمێ 70 ملیار و 706 ملیۆن و 455 ھزار و 782 دۆلار بووینه، ئەوێن هاتینه پەسەند نەکرن 232 پڕۆژە بووینە.</h3> <h3>بهرگهشت ئاکرەیی گۆت ژی: ژ ئهنجامێ ئەوان ڕێنمایێن هاتینه دەرکرن ڕێژا کرێکارێن بیانی ل ھەرێمێ کێمبوویە و کرێکارێن ناڤخۆ ژی پتر دهلیڤێن کار بۆ پهیدا بووینە و ئهڤ ساله حكومهتا ههرێمێ لبهره هژمارا پیڤایی ددانا مۆلهتاندا بشكێنێت و پتری 200 مۆلهتان دا بدهته پرۆژێن وهبهرهێنانێ.</h3> <h3></h3>
