پهیڤدارا كۆمیسیۆنا بلندا سهربهخۆ یا ههلبژارتنێن عیراقێ ڕاگههاند، 886 بهربژاران بۆ ههلبژارتنێن پهرلهمانێ كوردستانێ ناڤێن خوه پێشكێشكرینه، ئاماژه ب هندێ ژى دا، ئهو پێدڤى ب زێدهتر ژ 45 هزار چاڤدێرانه بۆ ههلبژارتنان.
جومانه غهلاى پهیڤدارا كۆمیسیۆنا بلندا سهربهخۆ یا ههلبژارتنێن عیراقێ دیاركر، ژ وان 886 كهسێن ناڤێن خوه پێشكێشكرین، 609 كهس ژ ڕهگهزێ نێرن و 227 ژ ڕهگهزێ مێ نه، لێ ئهڤه ژمارا دووماهییێ یا بهربژاران نینه، هێشتا لێكۆلین دێ بۆ هێتهكرن، ژماریهیا دووماهییێ پێدڤى ب پهسهندكرنا جڤاتا كۆمیسیارایه.
سهبارهت چاڤدێرێن سندۆقێن دهنگدانێ ئاشكراكر، كۆمیسیۆن دێ پێدڤى ب زێدهتر ژ 45 هزار كهسان ژ فهرمانبهر، خوێندكار و دهرچوویێن پهیمانگههـ و زانكۆیێن ههرێما كوردستانێ بیت، بۆ هندێ ل ڕۆژا ههلبژارتنان چاڤدێرییا سندۆقان بكهن.
