ل هەیڤا ڕەمەزانێ ڕۆژیگر پابەندی سیستەمەكێ خۆراكی یێ دەمی و جۆری یێ جۆدا دبن ژ ڕۆژێن دی بۆ دەمێ هەیڤەكێ ب تەمامی، ئەڤە ژی هندەك جاران دبیتە ئەگەرێ دروستبوونا كێشەیان د گەدەیی دا. لەوما پشتی ب دوماهیك هاتنا ڕەمەزانێ باشترە پابەندی سیستەمەكێ خۆراكی یێ ساخلەم بین و هێدی هێدی ڤەگەڕینە سیستەمێ خۆ یێ بەرێ و زێدەڕەوییێ د خوارنێ دا نەكەین.
چەند شیرەت بۆ ساخلەمییەكا باشتر ل ڕۆژێن جەژنێ و پشتی ڕەمەزانێ:
1- خوارنا تێشتەكا سڤك ل ڕۆژا جەژنێ: خوارنا خۆراكێن تژی دۆهن بۆ تێشتا جەژنێ ئێك ژ خەلەتییێن مەزنە، داكو گەدە دوبارە فێری خوارنا سپێدەهییان بیت پێدڤییە ل ڕۆژا ئێكێ ب ڕێژەیێن كێم دەستپێبكەین.
2- دویربكەڤە ژ زێدە خوارنا شریناهییان: ل ڕۆژێن جەژنێ هزر د خوارنا خوارنێن جوراوجور و شریناهییان دا دهێتەكرن دناڤبەرا دانێن خوارنێ دا، ئەڤەژی دبیتە ئەگەرێ تێكچوونا سیستەمێ هەرسكرنێ.
3- خوارنێ ب ڕێژەیێن كێم بخۆ: ئێك ژ بنەمایێن سیستەمێ خۆراكی یێ ساخلەم دویركەفتنە ژ زێدە خوارنێ.
4- دویربكەڤە ژ خوارنێن تژی دۆهن و قەلاندی: پێدڤییە پتر خوارنێن كەلاندی بهێنە خوارن ل شوینا یێن قەلاندی.
5- ڤەخوارنا ڕێژەیەكا باش یا ئاڤێ: ل شوینا شەربەتێن دەستكرد و تژی شەكر پێدڤییە مرۆڤ ئاڤێ ڤەخۆت.
6- خوارنا شیڤەكا سڤك: ل دەمێ ڕۆژێ پێدڤییە مرۆڤ خوارنێ ب شێوەیەكێ ڕێكخستی بخۆت و ب برسەكا مەزن نەچیتە سەر شیڤێ و زێدەڕەوییێ د خوارنێ دا بكەت.
7- خوارنا گوشتی و برنجی ب شێوەیەكێ ڕێكخستی: ژبەركو خوارنا زێدە یا گوشتی و برنجی دبیتە ئەگەرێ بزەحمەت كەفتنا كریارا هەرسكرنێ و بلندكرنا ئاستێ كۆلستڕۆلی دناڤ خوینێ دا.
8- ئەنجامدانا ڕاهێنانێن وەرزشی.
