پهیڤدارێ دەستەیا وەبەرھێنانێ ل ھەرێما کوردستانێ دیار كر: د کابینا نههێ یا حکومەتا ھەرێما کوردستانێ دا گرنگییهكا تایبەت ب کەرتێ پیشەسازی هاتییه دان و وان مولهتدایه نێزیکی 110 پڕۆژێن پیشهسازی ب كوژمێ سێ ملیار دۆلاران.
بەرگەشت ئاکرەیی، زێدهتر بۆ ئاژانسا خانی دیار كر: د کابینا نههیێ یا حكومهتا ههرێمێ دا ئێک ژ ستراتیژیەتا وێ ئهو بوو” كو داھات فرەرهنگ ببن و پتر گرنگی ب كهرتێ پیشهسازی بهێتهدان، دڤێ كابینێ دا ل ھەرێما کوردستانێ چەندین کارگەهێن گرنگ هاتینه ڤهكرن و بەرھەمێن وان بۆ ناڤخۆ و بۆ عێراقێ ژی دهێنه ڤرێكرن و ئهم دشێین بۆ دەرڤه ژه ڤرێبگهین” وەک کارگەها ئاسنی كو ب کوالیتیەکا گهلهك باش دهێته بەرھەمئینان و نوكه مهزنترین کارگەها وایر و کێبلان هاتییه دامەزراندن و نوكه چهندین کارگەهێن چیمەنتۆیی ههنه، د نوكه دا گهلهك گرنگی ب كهرتێ پیشەسازی دهێتهدان.
ناڤهاتی گۆت ژی: نوكه دهست ب دروستكرنا دهڤهرێن یپیشەسازی ل پرانییا پارێزگههـ و ئیدارێن سەربەخۆ هاتییه كرن” ل ھەلەبجە و گەرمیان و جهێن دیتر ژی دێ هێنه چێكرن، ڤێ چهندێ گهلهك دهلیڤێن كاری پهیدا كرینه.
