سهرۆكێ ههرێما كوردستانێ ل 37 سالییا كیمیابارانكرنا بالیسان، شێخ وهسانان و دۆلا خۆشناوهى دبێژیت: خهلكێ وان دهڤهران ژ ههژى باشترین خزمهت و گرنگیپێدانهكا زێدهترن.
نێچیرڤان بارزانى سهرۆكێ ههرێما كوردستانێ د پهیاما خوهدا ڕاگههاند، خهلكێ جوامێر و نیشتیمانپهروهرێ بالیسان و شێخ وهسانان و دۆلا خۆشناوهتى وهكو ههموو گهلێ كوردستانێ، نه ب تنێ ب كیمیاباران و ژههراویكرنا ئاخ و ئاڤ و ئاسمانان دهست نهداهێلان، بهلكو خۆراگرانه درێژاهى ب تێكوشانا دژى ستهم و دیكتاتۆرییێ دا، لهوما ژ ههژى باشترین خزمهت و گرنگیپێدانهكا زێدهترن.
ههروهسا دیاركر، كیمیابارانكرنا ئهوێ دهڤهرێ ههردهم مهكۆیێ شۆرهش و تێكۆشانێ بوو ب دژى ستهم و دیكتاتۆرییێ و ژ پێخهمهت ئازادییا گهلێ كوردستانێ قۆربانییێن زێده داینه، دهستپێكا تاوانا كیمیابارانكرنا خهلك و ئاخا كوردستانێ بوو كو بوویه لاپهرهكێ ڕهشێ مێژووى و نیشانا ستهملێكرنا گهلێ كوردستانێ.
