د. خالد ڕێكانى ئه‌ندامێ جڤاتا نوونه‌رێن عیراقێ بۆ ئاژانسا خانى دیاركر، دووهى ژڤانێ كۆمبوونا په‌رله‌مانى بوو، لێ ژبه‌ركو نیساب یا تمام نه‌بوو و په‌رله‌مانتارێن سووننى كو به‌هرا پترا وان یێن حزبا سه‌رۆكێ به‌رێ یێ په‌رله‌مانى، محه‌مه‌د حه‌لبووسى بوون، دكۆمبوونێدا د ئاماده نه‌بوون، كۆمبوون نه‌هاتنه كرن و بۆ پشتى دوو حه‌فتییێن دى هاته پاشخستن.
ئاماژه ب هندێ ژى دا، په‌رله‌مانتارێن كورد هه‌مو د ئاماده‌بوون، ئه‌وێن ئاماده نه‌بووین ژى، هه‌ر ئێك ژ وان ئێك ملیۆن دینار ژێ هاتنه برین، سه‌رجه‌مێ گشتى دبیته 166 ملیۆن دینار.
