ب هەلکەفتا ئێکی ئەیارێ، جەژنا جیهانیا کرێکاران، گەرمترین پیرۆزباهیان ل تەڤایا کرێکارێن جیهانێ و ب تایبەتی کرێکارێن کوردستانێ دکەین.
چینا کرێکاران د گەشەکرن و ئاڤەدانی و پێشڤەبرنا هەر وەڵاتەکی دا، رۆلێ هەرێ سەرەکی گێڕایە.
شوین تبلێن کرێکارێن کوردستانێ و رەنج و تێکۆشینا وان یا پاك و دلسۆزانە د ڤەژاندن و ئاڤەدانیا وەڵاتێ مەدا، جهێ شانازیا هەموو کوردستانیانە.
کرێکارێن کوردستانێ وەکو توێژەکا کارا یا جڤاکی، هەردەم ل سەنگەرێن پێشیێ یێن خەباتا نیشتیمانی و نەتەوەیی بووینە، ژ بۆ ڕزگاری و ئازادیا گەلێ کوردستانێ، ب بەردەوامی ئامادەبوونا مەیدانی هەبوویە.
پارتی دیموکراتی کوردستان ب درێژاهیا خەباتا خوە، پێداگیری ل سەر بەرقرارکرنا هەموو مافێن کرێکارێن کوردستانێ کریە، د ڤێ رێیێ دا ژی و پێخەمەت دابینکرنا ژیانەکا ژ هەژی رەنج و ماندیبوونا وان، قوربانیەکا مەزن دایە.
ب ڤێ هەلکەفتا پیرۆز، دوبارە پشتەڤانیا خوە ل هەموو داخوازی و مافێن رەوایێن کرێکارێن کوردستانێ دکەین و رەنج و خەباتا وان بلند دنرخینن و دوبارە جەژنا وان پیرۆز دکەین.
هزار سڵاڤ ل چینا کرێکارێن کوردستانی
هەردەم ژین و ژیارا وان خۆشی و شاد بیت.
د.نەوزاد عەبدوللا
بەرپرسێ لقێ ئێکێ پارتی دیموکراتی کوردستانێ
