ئەحمەد سەفار: حکومەتا هەرێمێ دشێت سکالایێ ل سەر پاشئێخستنا مووچەیی تۆمار بکەت

بڕیاردەرێ لژنا دارایی ل خولا چارێ یا پەرلەمانێ عیراقێ ڕاگەهاند، حکومەتا هەرێمێ دشێت ل دادگەها فیدرالی سکالایێ ل سەر پاشئێخستنا مووچەیی تۆمار بکەت.

ئەحمەد سەفار، بڕیاردەرێ لژنا دارایی ل خولا چارێ یا پەرلەمانێ عیراقێ ڕاگەهاند، مخابنی بابەتێ بودجەیی ل عێراقێ بوویە بابه‌ته‌كێ سیاسی، هەروەسا ڕێز ل دەستووری ناهێته‌ گرتن و ناهێته‌ بجهئینان.

ناڤهاتی گۆت ژی :پەیوەندییێن دارایی و ئابووری یێن مە ل گەل بەغدا د جهگیر نەبوون، ژبەر هندێ پشكا بودجەیێ هەرێما کوردستانێ، کو ژ 12.67% پێدڤییە بهێته‌ هنارتن” هه‌روه‌سا ئه‌و بڕیارا دادگه‌ها فیدراڵی دەرکری یا باشبوو” یاكو گۆتی دڤێت حکومەتا فیدرالی پابەند بیت ب پێدانا مووچەیێ فەرمانبەرێن هەرێما کوردستانێ د ده‌مێ خۆدا.

ئەحمەد سەفاری گۆت ژی: نوكه‌ دانوستاندن ل سەر پڕۆژێ هەژمار من دهێته‌ کرن، کو پتر ژ 300 هزار کەسان پشكدارن د پڕۆژێ هەژمارا من، حکومەتا هەرێما کوردستانێ دشێت شانده‌كێ بهنێریتە دادگه‌ها فیدراڵی و سکاڵایا خۆ تۆمار بکه‌ت هه‌تاکو دادگه‌هـ نڤیساره‌كێ بۆ وەزارەتا داراییا عێراقێ بکه‌ت بۆ هندێ مووچە د ده‌مێ خۆدا بهێته‌ هنارتن و پاشی بچن ڕێکارێن دیتر بگرنە بەر.