رێکخراوهكا ئەمریکی ب هاریکارییا دەستەیا مافێ مرۆڤی ل هەرێما کوردستانێ، داتایێن وان وهلاتییان کۆمکرینە، یێن کو ب ئهگهرێ بۆردومانێن تورکیا و ئیرانێ گیانێ خۆ ژ دەستداین یان بریندار بووین.
پتری 30 سالانە تورکیا و ئیران ب بەهانەیێن جۆدا هێرشێ دکەنە چەندین دەڤەرێن هەرێما کوردستانێ، د وان هێرشان دا پتری 850 وەلاتییێن هەرێما کوردستانێ شەهید بووینە و بزاڤەک هەیە کەسوکارێن وان شەهیدان بهێنە قەرەبووکرن.
رێکخراوا CPT یا ئەمریکی ب هاریکارییا دەستەیا مافێن مرۆڤی یا هەرێما کوردستانێ راپۆرتەک دەربارەیی وەلاتییێن هەرێما کوردستانێ ژ ئەگەرێ هێرشێن تورکیا و ئیرانێ بووینە قوربانی، بەلاڤ کرییە.
کامەران ئۆسمان، بەرپرسێ پشکا مافێن مرۆڤی ل وێ رێکخراوا ئەمریکی دیار كرییه: ل سالا 1990 ێ ههتا نوكه، پتر ژ 850 وەلاتییێن هەرێما کوردستانێ د هێرشێن تورکیا و ئیرانێ دا شەهید بووینە، پرانییا وان ل سنۆرێ پارێزگەها دهۆکێ بووینە.
