مەسرور بارزانی، سەرۆکوەزیرێن هەرێما کوردستانێ 31 سالییا دامەزراندنا بنگەهێ لالش یێ ڕەوشەنبیری و جڤاکی پیرۆز كر و پشتەڤانییا حکومەتا هەرێما کوردستانێ بۆ ” بنگەهێ لالش و مافێن خوشك و برایێن ئێزدی ” دۆپات كر.
دەقێ پەیاما سەرۆکوەزیران مەسرور بارزانی:
ب هەلکەفتا سالڤەگەرا 31ێ یا دامەزراندنا بنگەهێ لالش یێ ڕەوشەنبیری و جڤاکی، پیرۆزباهییان ئاراستەی سەرۆك و ئەندامێن دەستەیا بلند و هەمی خوشك و برایێن ئێزدی دکەم و هیڤییا سەرکەفتنێ بۆ هەوە دخازم.
هیڤیدارم بنگەهێ لالش یێ بەردەوام بیت ل سەر خزمەتکرنا كەلتوورێ ڕەسەنێ کوردی و پویتەپێدانا داب و نەریتێن جڤاكا ئێزدی و جانێ برایەتییێ وپێکڤەژیانێ ل ناڤ تەڤایا پێکهاتەیێن کوردستانێ.
ب ڤێ هەلکەفتێ، ئەم پشتەڤانییا حکومەتا هەرێما کوردستانێ بۆ بنگەهێ لالش و مافێن خوشك و برایێن ئێزدی ب گشتی، دۆپات دکەین.
مەسرور بارزانی
سەرۆکێ حکومەتا هەرێما کوردستانێ
2024/5/12
