شێروان دوبەردانی: ل ڤان نێزیكان نڤێسینگەها مادێ 140 یێ ده‌ستووری ل شنگالێ دێ هێته‌ ڤه‌كرن

ئاژانسا خانی:

ئه‌ندامه‌كێ پەرلەمانێ عێراقێ” ژ فراكسیۆنا پارتی دیموكراتی كوردستان دیار كر، ل رۆژێن بهێت نڤێسینگەها مادێ 140 ل شنگالێ دێ هێته‌ ڤه‌کرن بۆ قەرەبووکرنا ئەوان خێزانێن ل سەردەمێ رژێما بەعس زیان گه‌هشتینێ و هاتینه‌ ڤه‌گۆهاستن بۆ جهێن دیتر.

شێروان دوبەردانی، زێده‌تر بۆ ئاژانسا خانی ئاشكرا كر: ل ڤان رۆژێن بهێت لژنا بجهئینانا مادێ 140 یێ ده‌ستووری” دێ ژ به‌غدا هێت” دێ چنه‌ قه‌زا شنگالێ” ئه‌و كه‌سێن ل شنگالێ هه‌تا مه‌خمۆرێ” هه‌ر ژ سالێن حه‌فتێیان ل سه‌دێ بوری هه‌تا سالا 2003 ێ” ئه‌وێن زیان گه‌هشتییێ و ئه‌وێن ل سه‌ر جهـ و وارێن هاتینه‌ ده‌رخستن ژلایێ رژێما به‌عسڤه‌” كو هژمارا ئه‌و كه‌سێن ماین و نه‌هاتینه‌ قه‌ربۆكرن پتری 23 هزار كه‌سانه‌” كو كه‌یسێن وان هه‌موویان ل شنگالێ نه دێ هێنه‌ قه‌ره‌بۆكرن‌” خێزانێن كوردان ب كوژمێ 10 ملیۆن دیناران دێ هێنه‌ قه‌ره‌بۆكرن” یێن عه‌ره‌بان ژی 20 ملیۆن دیناران دێ هێنه‌ قه‌ره‌بۆكرن.

ناڤهاتی گۆت ژی: پشتی دووڤچوونا مه‌ ل گەل په‌رله‌مانتار ماجد شنگالی، و بزاڤێن پارێزگارێ نەینەوا و لژنا بجهئینانا مادێ 140، ل ڕۆژێن بهێت نڤێسینگه‌ها مادێ 140 ل شنگالێ دێ هێته‌ ڤه‌كرن و هه‌روه‌سا ڤه‌کرنا وێ نڤێسینگه‌هێ بۆ قەرەبووکرنا ئەوان خێزانایە یێن كو ل قەزا شنگالێ ل سەردەمێ ڕژێما بەعس زیان گه‌هشتینێ و هاتینه‌ ڤه‌گۆهاستن بۆ ده‌ڤه‌رێن دیتر یێن عێراقێ.