ئەڤرۆ دوشهمبی 13 ی گولانا 2024 ێ” ل سەلاحەدین سەرۆك مەسعود بارزانی پێشوازی ل شاندەكێ ناڤەندا فەرەنسی بۆ ڤەكولینێ ل سەر عیراقێ كر” كو پێكهاتبوون ژ پرۆفیسور میسێل ڤیڤوركا و پرۆفیسور ڤابریسل بەلانش و ماریوس ئیكسپوزیتو و تیالی یلمەن و د. عادل باخەوان.
د وێ دیدارەكێ شاندێ مێهڤان پێزانین بۆ قوربانیدان و خۆراگرییا گەلێ كوردستانێ هەبوون د خەبات و كولنەدانێ بۆ گەهشتن بۆ ئازادیێ و رۆلێ سەرۆك بارزانی د بزاڤا رزگاریخوازا كوردستانێ دا بلند نرخاند و هەر وەسا ستایشا فەرهەنگا پێگڤەژیان و پاراستنا پێكهاتێن ئاینی و نەتەوەیی یێن كوردستانێ كر.
هەر د وێ دیدارێ دا دانوستاندنێن تێروتەسەل و ڤەكری سەبارەت رەشا سیاسی و پێشهات و گەف و مەترسیێن ل عیراقێ و دەڤەرێ و هەڤكێشێن هەرێمایەتی و دەولەتی و هەروەسا رەوایەتی و پاشەرۆژا گەلێ كوردستانێ و سەقامگیریا دەڤەرێ هاتنە كرن .
سەرۆك بارزانی سەرەرایی شرۆڤەكرنا رەهەندێ مێژوویی و سیاسی و یاساییێ رەوایا دوزا گەلێ كورد ل عیراقێ و دەڤەرێ و هەروەسا خەباتا گەلێ كوردستانێ بۆ پارێزگاریكرنێ ل مانێ و پێشئێخستنا دۆزا خۆ” تهكهزی ل سهر هندێ كر ” كو ئێكلاكرنا كێشان ب رێیا شەری و لابرنا گەلێ كوردستانێ چ ئەنجام نەبوون و نابیت و باشترین رێك بۆ چارەسەكرنا كێشان ب كێشا گەلێ كوردستانێ ڤە ل دەڤەرێ د تێگەهشتن و ئاشتی و رێكارێن دیموكراتی و دانوستاندنه”
