مەسرور بارزانی، سەرۆكێ حکومەتا هەرێما کوردستانێ، پێشوازی ل جێفری پایت، هاریكارێ وەزیرێ دەرڤەیێ ئەمریکا بۆ کاروبارێن وزێ کر.
د كۆمبوونێدا، دانوستاندن ل دۆر گرنگیدان و پێشئێخستنا کەرتێ وزێ و دەرفەتێن مفا وەرگرتن ژ وزەیا پاقژ، نویبوون، پلان و پڕۆژەیێن ژ پێخەمەت باشتركرنا ڕەوشا كارەبێ ل عیراق و هەرێما كوردستانێ هاتەكرن.
هەردوولا د هەڤڕابوون ل سەر گرنگییا دەستپێکرنا هنارتنا نەفتا هەرێما کوردستانێ کو ژ ئەگەرێ ڕاگرتنێ، چەندین ملیار دۆلار زیان گەهشتە داهاتێ گشتییێ عیراقێ.
پشتی تەمامبوونا كۆمبوونێ، سەرۆکێ حکومەتێ و هاریكارێ وەزیرێ دەرڤەیێ ئەمریکا، سەرەدانا ویستگەها کارەبا ماس گلۆبەل ل پیرداود و ویستگەهـ و کێلگەها خورمالە یا سەر ب کار گرۆپ-یان ل پارێزگەها هەولێرێ کر.
هەروەسا هەردوولایان دووپات ل گرنگی بەرەف پێشڤەبرنا کەرتێ وزێ ل عیراق و هەرێما کوردستانێ کر، ب تایبەت بكارئینانا وزەیا پاقژ و بەرچاڤ وەرگرتنا پاراستنا ژینگەهێ و سنووردانان بۆ پیسکرنا هەوای.
سەرۆکێ حکومەتێ ئاماژە ب هندێ كر، د كەیف خۆشین كو ئەمریکا گرنگییێ ب پێشئێخستنا کەرتێ وزێ ل عیراق وهەرێما کوردستانێ ددەت و پشتەڤانییا عیراق و هەرێما کوردستانێ دکەت بۆ هندێ د ئەڤی كارتیدا بشێن پێنگاڤێن باشتر و پێشكەفتنا باشتر ب دەستڤەبینین.
هاریكارێ وەزیرێ دەرڤەیێ ئەمریکا، پشتەڤانییا وەلاتێ خۆ بۆ كوردستانەكا بهێزتر و گەشە د چارچووڤێ عیراقەكا فیدرال دیاركر.
