مه‌سرور بارزانى سه‌رۆكێ حكومه‌تا هه‌رێما كوردستانێ دبه‌هینامه‌یه‌كێدا سه‌ره‌خۆشى ل كۆمارا ئیسلامییا ئیرانێ كر بۆ وه‌غه‌ركرنا ئیبراهیم ڕه‌ئیسى سه‌رۆككۆمارێ ئیرانێ و ئه‌میر عه‌بدوللاهیان وه‌زیرێ ده‌رڤه و ژماره‌كا دییا به‌رپرسان، كو د ڕوودانا كه‌ڤتنا هێلیكۆپته‌رێدا گیانێن خوه ژ ده‌ستدان.
سه‌رۆكێ حكومه‌تا هه‌رێما كوردستانێ سه‌ره‌خۆشى و هه‌ڤخه‌مییا خۆ ئاراسته‌ى ڕێبه‌رایه‌تى، حكومه‌ت و خه‌لكێ كۆمارا ئیسلامییا ئیرانێ كر و گوت: هه‌ڤخه‌مى و هه‌ڤپشكییا خۆ دگه‌ل خه‌لكێ كۆمارا ئیسلامییا ئیرانێ دووپات دكه‌ن.
سه‌رۆكوه‌زیرێن هه‌رێما كوردستانێ د به‌هینامه‌یا خوه‌دا دیاركر، ژ خۆدایێ مه‌زن دخوازن گیانێ خۆدێ ژێ ڕازى بێخیته به‌ر دلوڤانییا خوه و سه‌بر و بێهنفره‌هییێ ب بنه‌مال و كه‌سوكار و خه‌لكێ ئیرانێ ببه‌خشیت، دڤى ده‌مێ ب زه‌حمه‌تدا، هه‌ڤخه‌مى و هه‌ڤپشكییا خوه دگه‌ل خه‌لكێ كۆمارا ئیسلامییا ئیرانێ دووپات دكه‌ن.
