ئەڤرۆ ڕۆژا پێنجشەمبی، 30-05-2024، مەسرور بارزانی، سەرۆکێ حکومەتا هەرێما کوردستانێ ل بەغدا ل گەل محەمەد شیاع سوودانی، سەرۆکوەزیرێن عیراقێ کۆمبوو.
نڤێسینگەها ڕاگەهاندنا سەرۆكوەزیرێن عیراقێ ناڤەڕۆكا كۆمبوونێ بەلاڤكر و دیاركر، هەردوو سەرۆكوەزیران ڕەوشا عیراقێ ب گشتی، ژمارەكا دۆسە و بابەت ل سەر ئاستێ نیشتیمانی، ڕێكارین حكومەتا فیدرال د بیاڤێ خزمەتگوزاری و ئابووری و چەند پرسێن دی یێن گرنگ گوتۆبێژكرن.
د پشكەكا دی یا كۆمبوونێدا، دانوستاندن ل دۆر بابەتێن هەڤپشك هاتە كرن و دووپات ل بەردەوامییا كۆمبوونان و دانوستاندنێن ئاڤاكەر هاتە كرن، ب مەرەما چارەسەركرنا ئاریشەیان ل دویڤ یاسا و بڕگەیێن دەستووری كو د بەرژەوەندییا وەلاتاندا بیت.
د هەمان دەمدا، ل دویڤ ڕاگەهاندنا حكومەتا هەرێما كوردستانێ، د كۆمبوونێدا ڕەوشا عیراقێ ب گشتی و گرنگییا چارەسەركرنا ئاریشەیان دناڤبەرا هەرێما كوردستانێ و حكومەتا فیدرال ل سەر بنەمایێ دەستووری هاتە گوتۆبێژكرن.
