ئاژانسا خانی:
خه‌لات ئه‌بوبه‌كر” رێڤه‌به‌رێ ئاڤا ده‌وروبه‌رێن دهۆكێ” تایبه‌ت بۆ ئاژانسا خانی دیار كر: ئه‌و ده‌ڤه‌رێن كارتێكرنا گوهۆرینێن سه‌قایی لێ هه‌یین” پتر كارتێكرن ل وان ده‌ڤه‌ران هه‌بوویه” هه‌روه‌سا پار ژبه‌ر داكه‌فتنا ئاڤا رووبارێ دیجله‌یی یاكو دهێته سه‌ر سكرێ مووسلێ” مه ئاریشا كێمیا ئاڤێ ل ناحییا خانكێ و فه‌ییدیێ هه‌بوو” ژ ئه‌گه‌رێ وێ داكه‌فتنێ پرۆژێن وان راوه‌ستییا بوون” به‌لێ نوكه پتری چار ملیار دینارێن عێراقی د هه‌ردو پرۆێن ئاڤێ یێن فه‌ییدیێ و خانكێ دهێنه بجهئینان” بۆ هندێ وه‌رگرێن ئاڤێ بهێنه دروستكرن” وه‌رگره‌كێ نوو یێ ئاڤێ ل ناحییا خانكێ دێ هێته دانان” ژ پێخه‌مه‌ت ئاریشا ئاڤێ ل وان هه‌ردو ناحییان بهێته چاره‌سه‌ر كرن” ب ئه‌نجامدانا وان پرۆژان دێ ره‌وشا ئاڤێ ل قه‌زا سێمێلێ به‌ره‌ف باشترڤه چیت.
ناڤهاتی گۆت ژی: ل قه‌زا و ناحییێن دیتر یێن سه‌ر ب پارێزگه‌ها دهۆكێ ڤه ره‌وشا ئاڤێ باشتره” مه كێمتر ئاریشێن كێمیا ئاڤێ هه‌نه” ئه‌و پرۆژێن مه هه‌ین كار دكه‌ن” د هه‌مان ده‌مدا نێززیكی سێ ملیار دیناران مه پرۆژه ل قه‌زایێن شێخان و به‌رده‌ره‌ش هه‌نه” هنده‌ك ژ وان د بجهئینانێ دانه و هنده‌ك ژی دێ هێنه بجهئینان و ره‌زامه‌ندی ل سه‌ر هاتییه‌دان” هه‌روه‌سا به‌ری كو باتیفا ب ببیته قه‌زا” پرۆژه‌كێ ستراتیجی ل وێ قه‌زایێ دهێته بجهئینان و رێڤه‌به‌رییا مه ب هه‌ڤكاری ل گه‌ل رێڤه‌به‌رییا ئاڤا زاخۆ” سه‌رپه‌رشتییا وی پرۆژه‌یی دكر و ئه‌و پرۆژه ل سه‌ر رووبارێ خابیری دهێته بجهئینان” پتری پێنج ملیار دینارێن عێراقی بۆ هاتینه مه‌زاختن” ب كوالێتیه‌كا گه‌له‌ك باش هاتییه چێكرن و نوكه د قووناغا تێستكرنێ دایه” پرۆژه ته‌مام بوویه و ئاڤ ب ره‌نگه‌كێ تێست بۆ خه‌لكێ وێ قه‌زایێ دهێته به‌ردان” ئه‌ڤ ساله ئه‌و پرۆژه دێ ب دووماهی هێت و ئاریشا ئاڤێ ب ته‌مامی ل وێ قه‌زایێ دێ هێته چاه‌سه‌ر كرن و پرۆژێ نوو كار دكه‌ت و یێ كه‌ڤن هاتییه راوه‌ستاندن.
خه‌لات ئوبه‌كر” رێڤه‌به‌رێ ئاڤا ده‌وروبه‌رێن دهۆكێ هێشتا دبێژیت: ب كارئینانا ئاڤێ ل وه‌رزێ هاڤینێ پتره ژ وه‌رزێن دیتر” پلێن گه‌رمێ بلند دبن و مه‌زاختنا ئاڤێ پتر لێ دهێت” به‌لێ ئه‌و پرۆژێن مه هه‌ین شییاینه ئاریشا ئاڤێ نه‌هێلن” هه‌ر چه‌نده دبیت ژێرخانا ئاڤێ ژ لایێ ته‌كنیكی ڤه وه‌كو پێدڤی نه‌بیت” بۆ نموونه ل قه‌زا به‌رده‌ره‌ش ئه‌م نه‌شییاینه ئاڤێ ژ رووباری بینین” به‌لێ ئه‌و ئاڤا ژێرئه‌رد كار دكه‌ت و مه ئاریشا ئاڤێ ل وێرێ نینه” دیسان ئاریشێن مه زن یێن كێمییا ئاڤێ ل چ قه‌زایان مه نینن” هه‌روه‌سا ئاریشێن كێمبوونا ئاڤێ زوو دهێنه چاره‌سه‌ر كرن” هه‌ر چه‌نده هنده‌ك جاران هنده‌ك ئامیر گیرو دبن” به‌لێ ئه‌م زوو چاره‌سه‌ر دكه‌ین.
