ب بڕیارا مه‌سرور بارزانی، سه‌رۆكێ حكومه‌تا هه‌رێما كوردستانێ، به كوژمێ پتر ژ 78 ملیۆن دۆلاران، پرۆژێ ئاڤا چەمچەمال- گۆپتەپە، چوو وارێ بجهئینانێ.
بڕیارە پرۆژێ ئاڤا گۆپتەپە – چەمچەمال د هه‌یاما 730 ڕۆژان دا بهێته تەمامكرن و شییانێن به‌رهه‌مئینانا 3400 مەترێن سێجا یێن ئاڤا ڤه‌خوارنێ د ئێك ده‌مژمێر دا هه‌نه و پتر ژ 480 هزار كه‌س ل وێ ده‌ڤه‌رێ دێ ژێ مفادار بن.
ساسان عەونی، وەزیرێ باژێرڤانی و گەشتوگوزارا حکومەتا هەرێما کوردستانێ دیار كر، پرۆژێ ئاڤا گۆپتەپە- چەمچەماڵ پرۆژەكێ دیترێ ستراتیژییێ حکومەتا هەرێما کوردستانێیە ژ پێخه‌مه‌ت دابینکرنا ئاڤا پاقژا ڤه‌خوارنێیە بۆ چەمچەماڵ و ب ره‌نگه‌كێ ڕاستەوخۆ دێ هێته بجهئینان.
