کۆنفرانسێ 12 ێ یی جڤاتا کارێ عێراقی بریتانی IBBC ل لەندەنا پایتەختێ بریتانیا دێ دەست بکارێن خۆ كه‌ت.
بەرگەشت ئاکرەیی، په‌یڤدارێ دەستەیا وەبەرهێنانا هەرێما کوردستانێ دیار كر،” د. محەممەد شوکری، سەرۆکێ دەستەیا وەبەرهێنانێ ب نوونەراتییا سەرۆکێ حکومەتا هەرێما کوردستانێ دێ پشكدار بیت د کۆنفرانسێ IBBC و گوتارا سەرۆکێ حکومەتێ دێ پێشکێشكه‌ت”.
ناڤهاتی گۆت ژی، ” ئەو کۆنفرانسە، ساڵانە دو جاران ب پشكدارییا بەرپرسێن هەولێر، لەندەن و بەغدا دهێته کرن، جاره‌كێ ل ئیمارات و جاره‌كێ ل لەندەن” ئارمانجا ئەوی کۆنفرانسی پێشخستنا زێده‌ترا پەیوەندییێن بازرگانی و ئابوورییە.
ژ بلی سەرۆکێ دەستەیا وەبەرهێنانێ ب نوونەراتییا سەرۆکێ حکومەتا هەرێما کوردستانێ، نوونەرێن حکومەتا عێراقێ، خودانکار، بازرگان، وەبەرهێنەر و نوونەرێن کۆمپانییێن بریتانی و جیهانی د وی کۆنفرانسێ جڤاتا کارێ عێراقی بریتانی پشكدارن.
