ل سەر داخازییا محەمەد شیاع سوودانی، سەرۆكوەزیرێن عیراقێ ئەڤرۆ شاندەكێ بلند یێ ئەمنی یێ عیراقێ ب سەرۆكاتییا شیرەتكارێ ئاسایشا نشتیمانی یا عیراقێ بۆ گوتوبێژكرنا لەشكەركێشییا توركیا بۆ سەر ئاخا هەرێمێ، گەهشتە هەولێرێ.
دوهی ڕۆژا چارشەمبی جڤاتا وەزاری یا ئاسایشا نەتەوەیی یا عیراقێ كۆمبوو و بابەتێ لەشكەركێشییا توركیا بۆ سەر ئاخا هەرێمێ گوتوبێژكر.
د كۆمبوونێ دا كو هەرئێك ژ وەزیرێ ناڤخۆ، بەرگری، داد، دارایی، سەرۆكێ دەستەیا حەشدا شەعبی، بەرپرسێن دەزگەهێن هەوالگری و ئەمنی و سەربازی پشكداربوون، بڕیار هاتەدان شاندەك ب سەرۆكاتییا قاسم ئەعرەجی، شیرەتكارێ ئاسایشا نشتیمانی یا عیراقێ سەرەدانا هەولێرێ بكەت ب مەرەما ئێكخستنا هەلویستی.
جڤاتێ داخاز ژ سەرجەم لایەن و هێزێن نشتیمانی ژی كر پشتەڤانییێ ل هەلویستێ حكومەتێ ل دۆر ڤی بابەتی بكەن.
