دادگه‌هه‌كا بریتانیا تۆڕه‌كا مه‌زن یا قاچاخچییان ب تۆمەتا ڤه‌گوهاستنا سەدان کۆچبەرێن کورد یێن باشوورێ كوردستانێ بۆ بریتانیا، سزادان.
دادگه‌هه‌كا باژێرێ نیوکاسڵ ل بریتانیا شەش كەس ب تۆمەتا قاچاخچییێ و ڤه‌گوهاستنا نه یاساییا سەدان کۆچبەرێن کوردێن هەرێما كوردستانێ بۆ بریتانیا سزادان.
ئاژانسا نیشتمانییا تاوانان ل بریتانیا، دیار كرییه، دناڤا وان شەش تۆمەتباران دا كو كورد ژی تێدا هه‌نە ب ناڤێن محەمەد زادە، پارێز عەبدوڵڵا، خالد مەحمود، بێستون ساڵح و گۆربرێت سینگ و ماریك سوشانیچ، كو پشكه‌ك بوون ژ تۆڕه‌كا بازرگانیکرنێ ب مرۆڤان كو بنگه‌هێ وان ل باژێرێ تیسایدییێ بریتانیا بوو، پێشتر ل سالا 2017 ێ ل بەرامبەر وەرگرتنا 5 هزار هه‌تا 10 هزار پاوەندان چەندین كەس ب قاچاخی ئیناینه بریتانیا.
