رێڤه‌به‌رێ ژینگەها پارێزگه‌ها دھۆکێ دیار كر: ئێک ژ ھۆکارێن پیسبوونا ژینگه‌ها دھۆکێ پارزینگه‌هێن نه‌یاسایی نه، ھەموو ئالی کار دکەن بۆ نەهێلانا ئەوان پارزینگه‌هان، چونکێ نوكه ژ سه‌جه‌مێ نێزیکی ٤٠ پارزینگه‌هان ب ١٢ ماینه یێن دی هاتینه داخستن.
دڵشاد عەبدولڕەحمانی گۆت ژی: ڕێژا كه‌سكاتییێ ل سنوورێ پارێزگه‌ها دھۆکێ، 13 بۆ 14% ێ یه و پێدڤییه ئه‌و رێژه بهێته زێده‌كرن، چونکی کاریگەری ھەیە ل سەر کێمبوونا پلێن گەرمێ و ساخله‌مییا مرۆڤی و پاقژییا سه‌قایی و ڕێكێ ناده‌ت تۆز دروست ببیت، نوكه مژوولی دروستکرنا دو پارکێن مه‌زنین، ئێک ل سەر ڕووبەرێ ٨٥٠ دۆنه‌مێن ئه‌ردی، ل ئالۆکا دێ هێته دروست كرن، ئەوا دیتر ل جهێ پیشەسازییا كه‌ڤن یا دھۆکێ و دێ کاریگەری ل سەر زێده‌بوونا ڕێژا كه‌سكاتییێ هه‌بیت.
ناڤهاتی گۆت ژی: ل سنوورێ کاشێ نێزیکی ٤٠ پارزینگه‌هـ ھەبوون، پرانییا وان هاتینه داخستن، نوكه نێزیکی ١٢ یان کاردکەن کو ھۆکارێن سەرەکیینه بۆ پیسبوونا ژینگەها دھۆکێ و بڕیارە ئەوێن دیتر ژی بهێنه داخستن” ئێکا دیتر ژ ھۆکارێن پیسبوونا ژینگەها دھۆکێ ھەبوونا موەلیدێن ئەھلینه.
