دادگه‌ها فیدرالییا عیراقێ ئه‌و سكالایا ب دژى مه‌رجێن ئینانا ژنا دووێ ل هه‌رێما كوردستانێ هاتییه تۆماركرن، ڕه‌تكر.
سێ پارێزه‌ران سكالا ب دژى سه‌رۆكا په‌رله‌مانێ كوردستانێ تۆماركربوو، و دڤیا قانوونا ئینانا ژنا دووێ ل هه‌رێما كوردستانێ ب نه ده‌ستوورى ب هژمێریت.
مه‌رجێن ئینانا ژنا دووێ ل دووڤ هه‌موارا هه‌رێما كوردستانێ ئه‌ڤه:
1- دڤێت ژنا ئێكێ ل دادگه‌هی ڕازیبوونێ ب ده‌ت.
2- ژنا ئێكێ تووشى نه‌خۆشییه‌كا ده‌مدرێژ ببیت.
3- زه‌لامى شیانێن دارایى یێن هندێ هه‌بن كو بشێت زێده‌تر ژ ژنه‌كێ بخۆدان بكه‌ت و بۆ ڤێ چه‌ندێ ژى دڤێت به‌لگه‌یان بده‌ته دادگه‌هێ.
4- سوزنامه‌یه‌كێ بنڤێسیت كو دادوه‌ر بیت دناڤبه‌را ژنێن ویدا.
5- ئه‌گه‌ر ئینانا ژنا دووێ به‌رۆڤاژى مه‌رجان بیت، دێ هێته سزادان و دادوه‌ر ژى نه‌شێت وى سزاى ڕابگریت.
ئه‌و كه‌سێن سكالا ل دادگه‌ها فیدرالى تۆماركرین، دڤیان ئه‌ڤ مه‌رجه بهێنه لادان، و فره‌ژنى یا ئازاد بیت.
