ئه‌ڤرۆ سێشەمبی، 03-09-2024 ێ، مەسرور بارزانی، سەرۆکێ حکومەتا هەرێما کوردستانێ پێشوازی ل شانده‌كێ بریتانی ب سەرۆکاتییا ئۆلیڤەر کریستیان، کۆمسیارێ شاهێ بریتانیا بۆ کاروبارێن بازرگانی ل ڕۆژهەڵاتا ناڤین و پاکستانێ کر.
د وێ دیدارێ دا ئەندرو بیزلی، كونسولێ گشتيیێ شاهنشینا ئێکگرتی ل هه‌رێما كوردستانێ ئامادە ببوو؛ دانوستاندن ده‌ربارەبی پێشڤه‌برنا زێده‌تر یا پەیوەندییێن بریتانیا و هەرێما کوردستانێ، ب تایبەتی د بیاڤێن بازرگانی و وەبەرهێنانێدا هاته کرن.
مەسرور بارزانی سوپاسییا پشته‌ڤانی و هاریکارییا بەردەواما شاهنشینا ئێکگرتی کر بۆ هەرێما کوردستانێ و خواستا پێشخستنا زێده‌تر یا پەیوەندییێن دولایەنی د بیاڤێن جۆدا دا دوپاتکر.
کۆمسیارێ شاهێ بریتانیا بۆ کاروبارێن بازرگانی، “ئاماژە دا پێگەهێ گرنگێ هەرێما کوردستانێ كو دەرفەتا زۆر بۆ بەرەف پێشڤه‌برنا پەیوەندییێن دناڤبه‌را هەردو ئالییان دا هەیە”.
پاشی سەرۆکوەزیران مەسرور بارزانی، چاڤدێری و سەرپەرشتییا مۆرکرنا ڕێککەڤتنه‌كا دناڤبه‌را هەرێما کوردستانێ و بریتانیا دا کر کو د بیاڤێ پێشڤه‌برنا بازرگانی و دەستنيشانکرنا ئەوان بیاڤێن کو ل پێشییێ نه كو كار بكه‌ن ل سه‌ر پێشخستن و گەشەپێدانا وان، وەک چاندنێ و ساخله‌مییێ و پێشخستنا شییانێن مرۆڤی و تەکنەلۆجیایێ.
