ئەڤرۆ 04-09-2024، مەسرور بارزانى، سه‌رۆكێ حکومەتا هه‌رێما كوردستانێ پێشوازی ئانل بۆرا ئينان، باليۆزێ نوو یێ توركيا ل عیراقێ کر و هیڤییا سەركەفتنێ د كارێ وی یێ نوو دا بۆ كر.
د كۆمبوونێدا دووپات ل گرنگییا پەیوەندییێن دوولایەنە، ب تایبەتی د بیاڤێ بازرگانی هاتە كرن و هەردوو لایەن د هەڤڕابوون ل سەر پێدڤییا پشكداربوونا هەرێما كوردستانێ و هەمی پێكهاتەیێن عیراقێ د پرۆژەیێن گرنگدا.
دهەروەسا د دیدارێدا ئاماژە ب تاوانا کوشتنا گەشتییارێ دهۆکێ ل ستەنبۆلێ هاتەكرن و باليۆزێ توركيا دلگرانییا خۆ بۆ ئەڤێ ڕوودانێ دیاركر و سەرەخۆشی و هەڤخەمییا خۆ بۆ بنەمال و كەسوكارێن قوربانی دەربڕی، باليۆزێ توركيا دووپات کر کو تاوانبار هاتینە دەستەسەركرن و ڕێکارێن یاسایی بەرامبەر گرتینەبەر.
