پرۆژه‌كێ وه‌به‌رهێنانێ ل پارێزگه‌ها دهۆکێ، دێ نێزیکی دو هزار و 500 ده‌لیڤێن كاری بۆ وه‌لاتییێن وێ ده‌ڤه‌رێ په‌یداكه‌ت” كو ئه‌و ژی پرۆژێ بخۆدانكرنا چێلایه ل سێجێ.
د. هەڤال سدیق، رێڤه‌به‌رێ گشتییێ وه‌به‌رهێنانێ ل پارێزگه‌ها دهۆكێ دیار كر: مه‌زنترین پڕۆژێ ئاژه‌لداری و شیری ل سه‌ر ئاستێ هه‌رێما كوردستانێ، ل سنوورێ پارێزگه‌ها دهۆكێ دهێته چێكرن و نوكه د قووناغا دووماهیێ دایه و د ماوه‌یێ دو هه‌یڤێن دیتر دا ئه‌و پرۆژه دێ ب دووماهی هێت و دێ هێته ڤه‌كرن ” ئه‌و پرۆژه دێ دو هزار و 500 ده‌لیڤێن كاری په‌یدا كه‌ت و ب كوژمێ 40 ملیۆن دۆلاران ل سه‌ر ڕووبەڕێ هزار دۆنه‌مان دهێته چێكرن.
ناڤهاتی گۆت ژی: ئه‌و پرۆژه ژ بلی ئاژه‌لدارییێ، دێ شیری ژی به‌رهه‌م ئینیت و كارگه‌ها چاره‌کرنا به‌رمایكێن ئاژه‌لان ژی تێدا هه‌یه و پشتی ته‌مامبوونا وی پرۆژەیی، به‌رهه‌مێ شیرێ ناڤخۆ، دێ جهێ به‌رهه‌مێ بیانی گریت و دێ شێت هه‌تا رێژه‌كا باش پێدڤیێن بازارێ ناڤخۆ پركه‌ت.
