مەسرور بارزانی، سەرۆکێ حکومەتا هەرێما کوردستانێ پێشوازی ل ئەلینا ڕۆمەناوسکی، بالیۆزا ئەمریکا ل عیراقێ کر.
تەوەرێ سەرەكییێ كۆمبوونێ دانوستاندن ل دۆر ئامادەكارییێن هەلبژارتنێن پەرلەمانێ كوردستانێ هاتەكرن، سەرۆکێ حکومەتێ دووپات كر كو پێدڤییە د سەقایەكێ ئارام و دادپەرەرانە و ب شێوەكێ پاقژ و ل ژێر چاڤدێرییا نیڤدەولەتی و دویر ژ پێشیلکارییا بهێتە ئەنجامدان.
هەروەسا د كۆمبوونێدا، پەیوەندییێن هەرێما کوردستانێ و حکومەتا فیدرال هاتنە گوتۆبێژكرن، مەسرور بارزانی ئاماژە ب كۆمبوونا جڤاتا وەزارییا عیراقێ بۆ کاروبارێن ئابووری ل هەولێرێ کر، کو دانوستاندن ب شێوەكێ بەرچاڤ و ئەرێنی هاتە ئەنجامدان و ئەنجام دێ د بەرژەوەنديیا وەلاتییێن مە دا بیت.
