غیاس خالد زێباری
د ڤان سالێن داویێ دا په‌یوه‌ندیێن سار د ناڤبه‌را هه‌رێما كوردستانێ و كۆمارا ئیسلامیا ئیرانێ برینێن ب ئێش و ناڵ ل ناڤ كوردستانێ درۆست كرینه و بۆ سارێژكرنا وان پێتڤى ب نۆژدارێن شاره‌زا و تایبه‌تمه‌ند هه‌یه، هه‌ر چه‌نده سه‌ركردێن هه‌رێما كوردستانێ نه ئه‌گه‌رێن ساربوونا ڤان په‌یوه‌ندیان بوون نه‌ژى بێ ده‌نگ مان، هه‌رده‌م د هه‌ولێن به‌رده‌وام دانه بۆ خۆرتكرنا په‌یوه‌ندیێن دووقولى دناڤبه‌را هه‌رێمێ و وه‌لاتان دا ب تایبه‌ت وه‌لاتێن جیران و هه‌رده‌م فاكته‌رێن پاراستنا ئاسایشا سنوورێن وان بوویه و چ جارا نه‌بووینه ئه‌گه‌رێ تێكدانا ئاسایش و سه‌قامگیریا وان ژ وانا وه‌لاتێن ئیرانێ كۆ په‌یوه‌ندیێن مێژوویى ل دگه‌ل ئێك هه‌نه و سنووره‌كێ درێژ دناڤبه‌را واندا هه‌یه، ژلایێ كلتوورى و فه‌رهه‌نگى ژى پێكڤه‌گرێدانه‌كا زۆر دگه‌ل ئێك هه‌یه و ژلایێ ئابوورى و بازرگانى و ئێمناهى و سه‌قامگیرى زۆر به‌رژه‌وه‌ندێن دوو قولى دگه‌ل ئێك هه‌نه و پێتڤى ب هه‌بوونا په‌یوه‌ندیێن موكۆم و درێژخایه‌ن هه‌نه. سه‌رۆك نێچیرڤان بارزانى سه‌رۆكێ هه‌رێما كوردستانێ هه‌رده‌م ده‌سپێشخه‌ر و فاكته‌رێ خۆرتكرنا په‌یوه‌ندیێن هه‌رێمێ بوویه ل گه‌ل وه‌لاتا و كلیلا چاره‌سه‌ریا قه‌یرانان بوویه، ده‌رباره‌ى په‌یوه‌ندیێن هه‌رێما كوردستانێ و ئیرانێ ژى پشتى ژماره‌كا سه‌ره‌دانێن جه‌نابێ وى بۆ كۆمارا ئیسلامیا ئیرانێ و دیدارێن ل گه‌ل سه‌رۆك و به‌رپرسێن بلندێن وى وه‌لاتى ژ وانا سه‌رۆك كۆمارى، په‌یوه‌ندیێن هه‌رێمێ و ئیرانێ ل قه‌یرانێن كوور و پڕى ئاسته‌نگ به‌ره‌ڤ په‌یوه‌ندیێن دوو قولیێن جیرانه‌تیا پاراستنا به‌رژه‌وه‌ندیێن هه‌ردوو ئالیارئینان هاتنه گه‌شه‌كرن، هه‌ر وه‌كى نۆژداره‌كێ شاره‌زا بسه‌ر نه‌ساخیه‌كا دژوار زاڵ ببیت و چاره‌سه‌ر بكه‌ت، سه‌رۆك نێچیرڤان بارزانى مینا نۆژداره‌كێ بلیمه‌ت چاره‌سه‌ریا ده‌ردێ پرسێن په‌یوه‌ندیێن دناڤبه‌را كوردستانێ و ئیرانێ كرن ، سه‌ره‌دانا سه‌رۆك مه‌سعوود پزیشكیانى سه‌رۆكێ كۆمارا ئیسلامیا ئیرانێ بۆ هه‌ولێرا پایته‌ت و دیدارێن ل گه‌ل سه‌رۆك و سه‌ركردێن كوردستانێ ژ ئه‌نجامێ وان سه‌ره‌دانێن سه‌رۆك نێچیرڤان بارزانى و دووربینیا جه‌نابێ وى یه، ئه‌ڤه ژى ده‌لیڤه‌یه‌كا زێرینه بۆ ئاساییكرن و گه‌شه‌كرنا په‌یوه‌ندیێن سیاسى و ئابوورى و گه‌شیارى و بازرگانى د ناڤبه‌را هه‌ردوو وه‌لاتاندا ئه‌ڤه ژى د هه‌ردوو ئالیان دایه. سه‌رۆك مه‌سعوود پزیشكیانى سه‌رۆكێ كۆمارا ئیسلامى یا ئیرانێ ژى ژبه‌ر گرنگیا هه‌بوونا په‌یوه‌ندیێن خۆرت د ناڤبه‌را هه‌رێما كوردستانێ و ئیرانێ د ئێكه‌م سه‌ره‌دانا خۆدا بۆ ده‌رڤه‌ى وه‌لاتى وه‌ك سه‌رۆك كۆمار سه‌ره‌دانا ئیراقێ و كوردستانێ كر، چونكى وه‌لاتێ ئیرانێ دناڤ ژماره‌كا قه‌یرانێن سیاسى و ئابوورى و دارایى دا دایه و بۆ ژێ ده‌ربازبوونێ پێتڤى ب ڤه‌كرنا هنده‌ك ده‌رگه‌هاندا یه و كوردستان دێ پشكه‌كا زۆرا وان قه‌یرانا سڤك كه‌تن ئه‌گه‌ر ئه‌ڤ په‌یوه‌ندیێن دوو قولى و به‌رژه‌وه‌ند پارێز و به‌رده‌وام د گه‌شه‌كرنێدا بن و زوى زوى بهێنه سه‌خبێركرن، چونكى كوردستان جهه‌كێ ستراتیژى یه بۆ ئیرانێ و ده‌ڤه‌رێ و سه‌رۆك پریشكیانى ژى ببیته پزیشكێ ده‌ردێن گه‌لێن ئیرانێ بۆ خۆراگرتنێ به‌رامبه‌ر وان قه‌یرانێن ئابوورى و سیاسى هه‌ر وه‌كى سه‌رۆك نێچیرڤان بارزانى بوویه نۆژدارێ ده‌رد و قه‌یرانێن خه‌لكێ كوردستانێ .
