مەسرور بارزانی، سەرۆکوەزیرێن هەرێما کوردستانێ ئەڤرۆ ل گەل ژمارەكا كاسبكارێن باژێرێ هەولێرێ كۆمبوو و د كۆمبوونێدا ڕاگەهاند، هەمی لایەك ڕابردوویێ پارتی دزانن، ل ڕۆژا ئێكێ یا پارتی هاتییە دامەزراندن بۆ خزمەتكرنا خەلكێ هەرێما كوردستانێ یا هاتییە دامەزراندن و هەر كەسەكێ باوەری ب دیموكراسی، دادپەروەری، سەقامگیری و پاراستنا کەرامەتا ئاخا کوردستانێ هەبیت جهێ وان دناڤ پارتی دایە.
سەرۆکوەزیرێن هەرێمێ دیاركر، پارتی بوویە بزاڤا ڕزگاریخواز بۆ هەمی گەلێ مە، دەنگدان ب پارتی، دەنگدانە ب ئاسایش و سەقامگیریی و خۆشگوزەرانی و ئاڤەدانییا کوردستانێ.
مەسرور بارزانی ڕاگەهاند، هەر کەسەكێ دەستدرێژییێ بكەتە سەر ئاخا هەرێما کوردستانێ، پارتی ل سەنگەرێ پێشییێ دێ بەرەڤان بیت و ئاخا هەرێما کوردستانێ پارێزیت و مە نەڤێت سوزێ بدەینە هەوە، بەلكو مە دڤێت بیرا هەوە بینین كو پارتی چ جاران سوز نەداینە و بجهـ نەئینابن و دڤێت هەمی لایەك باوەرییێ ب پارتی بینن.
