سهرۆكێ ههرێما كوردستانێ ل ڕێورهسمێن دهرچوونا 792 ئهفسهرێن پێشمهرگهى ل كۆلیژا سهربازییا زاخۆ ڕاگههاند، پێشمهرگایهتى ئهركهكێ پیرۆزه، ناسنامهیا نهتهوایهتییه، پێشمهرگه مهترسى نینه، بهلكو بهرگریكاره ژ عیراقێ و ههرێما كوردستانێ.
نێچیرڤان بارزانى سهرۆكێ ههرێما كوردستانێ پشكداری د ڕێورهسمانداكر و گوتارهك پێشكێشكرن و ڕاگههاند، پێشمهرگهى ئهفسانهیا داعشێ شكاند و ڕێ نهدا كوردستان بكهڤیته دهستێن وان.
50 ژنان پشكدارى دڤێ خۆلێدا كربوو، ل دۆر ڤێ چهندێ سهرۆكێ ههرێما كوردستانێ دیاركر، ئهو شانازییێ دبهت كو 50 ژن ژ كۆلیژا سهربازییا زاخۆ دهرچووین و هیڤییا وى ئهوه دخۆلێن بهێندا ئهڤ ژمارهیه زێدهتر لێ بهێت.
نێچیرڤان بارزانى دپشكهكا دییا گوتارا خۆدا بهحسا ئالۆزییێن ڕۆژههلاتا ناڤین كر و ههلویستێ ههرێما كوردستانی ڕوونكر و گوت: ئهو دگهل ڕاوهستاندنا شهرى و چارهسهرییێن ئاشتییانه دههموو ئاریشهیاندانه، وان نهڤێت ههرێما كوردستانێ و عیراق بكهڤنه دناڤ شهر و ئالۆزییاندا.
