ئەڤرۆ عومەر ئۆجەلان، پەرلەمانتارێ دەم پارتی و برازایێ عەبدوللا ئۆجەلان ل هەژمارا خۆ یا تۆرا جڤاكی یا ئێكس، پەیامەك بەلاڤكر.
د پەیامێ دا هاتیە، دوهی ڕۆژا چارشەمبی وان وەكو بنەمال چاڤ ب عەبدولا ئوجەلان كەڤتیە و وی پەیامەك ل دور پڕۆسا ئاشتییێ ل باكوورێ كوردستانێ بۆ رایا گشتی ب وی ڕاگەهاندیە و گۆتییە: ” ئەگەر هەلومەرجێن پێدڤی بۆ ب ڕەخسن، من دەسەلات هەیە کو ڤێ پرۆسەیا پێكدادان و توندوتیژیێ بگوهورم بۆ زەمینەیەكا یاسایی و سیاسی و دوماهییێ ب پێكدادان و تۆندوتیژییێ بینم. “
