هێرشێن مووشەکییێن ئیرانێ ژ ئاستێ بەرسڤدانێ هێدی هێدی دەردکەفیت، هێلەکا زراڤ مایە کو ئەڤ ململانە ببیەتە شەرەکێ ده‌مدرێژ، ئیدی هەموو پێشبینی بۆ وێ چەندێنە کو د دەمەکێ نێزیکدا ل ڕوژهەلاتا ناڤین شەرەك دناڤبەرا ڤان هەردوو هێزاندا دروست بیت، مێژوویا ناکوکییێن دناڤبەرا ئیران و ئیسرائیلێدا ڤەدگەریتە سالا 1979ێ هەر ژ ڕووخانا دەستهەلا شاهی ناکوکی و گرژییێن ئیران و ئیسرائیلێ دەست پێکرن،ل ێ پسیار ل ڤێرێ ئەوە بۆچی نوکە ململانە خورترە و بۆچی دێ ئەڤ هەردوو هیزە بەرەڤ شه‌ریڤه دچن؟ ڕولێ ڕووسیا و ئەمریکا دئەڤێ ململانێدا چیە؟
وەلاتێن زلهێز ژبۆ پاراستنا هەڤسەنگییا هێزێ و پاراستنا پێگەهێ خۆ ل سەر ئاستێ نێڤده‌وله‌تى و هندەك جاران ژی ژ بۆ بهێزکرنا پێگەهێ خۆ چەندین ڕێ و ئامرازان بکاردئینن ژ بۆ هەڤسەنگیکرن یان ژی زێدەکرنا هیزا خۆ، دەست دبەنە رێیێن جۆدا و کاریگەر، ئەمریکا وەکو هێزەکا زلهێزا جیهانی چەندین جاران سیاسەتا دەستتێوەردانێ و شه‌رێن ب وەکالەت كرینه، کو ئەڤ جۆرە سیاسەتە ژ دوو لایانڤە گەلەك هاریکار دبیت ژبۆ وەلاتەکێ وەکو ئەمریکا بر گە‌هشتنا ئارمانجێ، ئێك ژوان ئەوە کو ئەمریکا وەلاتەکێ هەرێ بهێزە د پێشەسازییا چەکیدا، دشەرێ ڕووسیا- ئوکرانیادا ل دووڤ ئامارێن پارسال ئاستێ فررتنا چەکی 56%ێ زێدەکربوو و گەهشتبوو 238ملیار دولاران، ئانكو هەبوونا شەرەکێ دی ژ بۆ ئەمریکایا خۆدانا مەزنترین کاریگەهێن پێشەسازیای چەکی دەلیڤەکا زێرینە، گوتنەکا بناڤودەنگ هەیە دبێژیت:ئەوا بۆ ئیکێ خراب، بو یێدی یا باشە. لەوما ئەمریکا وەکو هەڤپەیمانا سەرەکییا ئیسرائیلێ کو گەلەك جاران ئیسرائیلێ ب ویلایەتا 51ێ د دەتە دیارکرن، د دەمێ چوونا ئیسرائیلێ دشەریدا دگەل ئیرانێ ب شێوەکی ئێكسه‌ر یان ژی نەئێكسه‌ر دێ هاریکاریێن لەشکەری بۆ دەڤەرێ كه‌ت، ل ڤێرێ ڕووسیا ژی دگەل دەستتێوەردانا ئەمریکا د دەڤەرێدا دێ پشته‌ڤانییا خۆ بۆ ئیرانێ دیارکەت، ئەگەرێن پشته‌ڤانییێ ژی دیارن ئیك ژوان ڕووسیا ژی وەكو ئەمریکا خودانا هێزا لەشکەرییە دێ بزاڤا فرۆتنا چەکی کەت، دهەمان دەمدا بهێزبوونا ئەمریکا ل دەڤەرێ دبەرژەوەندییا ڕووسیادا نابیت، شه‌رێ ئوکرانیا و دڕێژبوونا شه‌رى دگەل سەرنەکەڤتنا ڕووسیا دوی شه‌ریدا بالێ ڕووسیا ل دەڤەرێ لاواز دیارکریە، ئەگەر ئیران وەكو ئێك ژ هەڤپەیمانێن ڕووسیا یێ سەرەکی بچیتە دناڤا شه‌ره‌كێ ب ڤی شێوەیدا، بەرژەوەندیبا ڕووسیادا نابیت ژلایەکىڤە و ژلایەکێ دیڤە، تورکیا وەکو ئەندامەکا بهێزا سەرەکی دهەڤپەیمانییا ناتودا، و هەڤپەیمانا ئەمریکا(تورکیا) ئیك ژ هه‌ڤركێن سەرەکییێن ئیرانێ دگەل چوونا ئیرانێ بر دناڤا شه‌ریدا، دوێ مەیدان بۆ تورکیا مینیت پتر کاری ل سەر خۆ بکەت بۆ ئەنجامدانا ستراتێجیا خۆ، کو هەردەم بزاڤا سفركرنا ئاریشەیان دگەل جیراندا دکەت، داکو ب گەهیتە ئێك ژ ئارمانجا خۆ یا سەرەکی ئەوژی بوونا ئەندابوونێیە د ئێکەتییا ئەوروپا دا.
ئەڤە هەموو ل لایەکێ، پسیارا سەرەکی ئەوە بۆچی ئیران یا ئامادەیە بچیتە دناڤا شه‌ره‌كیدا و ڕۆژ بۆ ڕۆژێ دەنگێ گرژیسێ بلندتر دکەت، پشتی ئابلوقێن ئەمریکا کەفتینە ل سەر ئیرانێ ئێك جار پشتی هاتنا ترامپی بۆ ل سەر دەستهەلاتێ و دەرکەفتنا ئەمریکا ژ ڕێکەفتنا 5+1 یا ئەتومی دەم بۆ دەمی بارێ ئابووری یێ ئیرانێ بەره‌ڤ خراببوونێڤە چوو، و ل 16ی سپتێمبەرێ ل سالا 2022ێ مرنا ژینا ئەمینی، دەنگێن نە رازیبوونا نافخوی بەرامبەر دەستهەلاتا خۆ سەپێنەرا ئیرانی پتر بلندبوو ئەڤێ مرنێ دەنگێ نافخویێ ئیرانێ گەهاندە هەموو جیهانێ، و ژبلی ئەڤی بابەتی سێدارەدانا هزاراها کەسان ب تایبەتی ل دەڤەرێن کوردان ل ڕۆژهەلاتێ ئیرانی ئێدی ژ کۆنترۆلا دەستهەلا تائیرانی دەرکەڤت، پشتی هێرشا ئیسرائیلێ ل سەر کۆنسۆلخانا ئیرانێ ل سووریا، ئەڤە دەلیڤەکا زێرین وو ب رێیا ناکوکییێن دەرەکی دەنگێ نافخوی بێدەنگ بکەت، و ئیرانێ ئەڤ چەندە كر دا ب چەندین بهانەیان ب هێرشێن مووشەکی بەرسڤا ئیسرائیلێ بدەت و ئەگەر هات و ئیران نه‌چاربوو، ده‌رفه‌ته‌كا گەلەك مەزن هه‌یه بچیتە دشه‌ره‌كیدا دگەل ئیسرائیلێ هەم دا هیزا خۆ یا لەشکەری نمایش بکەت هەم ژی ماوێ دەستهەلا تا خۆ درێژ بکەت ژبه‌ركو یا ڕوون و ئاشکەرایە ئیران ژ ڕوویێ ناڤخوییڤە ب شێوەکێ بەرچاڤ شەرعیەتا خۆ ژدەست دایە.
