مه‌سرور بارزانى سه‌رۆكێ حكومه‌تا هه‌رێما كوردستانێ دپه‌یامه‌كێدا ڕاگه‌هاند، سه‌ره‌خۆشییێن خۆ ئاراسته‌ى بنه‌مال و كه‌سوكارێن ( عه‌قید ڕۆكن سامان سابر سلێمان فه‌رمانده‌یێ فه‌وجا لیوایا ئێك یا هه‌ڤپشك، عه‌قید محه‌مه‌د ڕه‌زا كه‌ریم ئه‌فسه‌رێ ئه‌ندازه‌یی یێ فرقه‌یا نه‌هـ یا زریپۆشێن له‌شكه‌رێ عیراقێ و ن. ض شه‌ریف ئه‌حمه‌د محه‌مه‌د ئه‌مین) دكه‌ت، كو ب مخابنیڤه ئه‌ڤرۆ ل سنوورێ خورماتوو شه‌هیدبوون، خۆدایێ مه‌زن گیانێ وان ب به‌هه‌شتێ شاد بكه‌ت، ئارامى و بێهنفره‌هییێ ب بنه‌مال و هه‌ڤال و هه‌ڤسه‌نگه‌رێن وان بده‌ت، هیڤییا زوو ساخبوونێ بۆ برینداران دخوازیت.
هه‌روه‌سا مه‌سرور بارزانى د په‌یاما خۆدا دیاركر، ئه‌و دووپاتییێ ل گرنگییا گه‌شه‌پێدانا هاریكارى و هه‌ماهه‌نگییا دناڤبه‌را هێزێن پێشمه‌رگه‌ى و له‌شكه‌رێ عیراقێدا بۆ ڕووبرووبوونا گه‌ف و ئاریشه‌یێن ئه‌منى و چه‌سپاندنا ئارامى و سه‌قامگێرییا ده‌ڤه‌رێن كوردستانییێن ده‌رڤه‌ى ئیداره‌یا هه‌رێما كوردستانێ دكه‌ن.
