نێچیرڤان بارزانی بۆ هه‌ڤپه‌یمانییا نێڤده‌وله‌تی: كارێ هه‌ڤپشك كلیلا ب هێزكرنا ئاسایشا عیراقێیه‌

نێچیرڤان بارزانی سه‌رۆكێ هه‌رێما كوردستانێ دگه‌ل جه‌نه‌رال كێڤن لێیهی فه‌رمانده‌یێ هێزێن هه‌ڤپه‌یمانییا نێڤده‌وله‌تی ل عیراقێ و سوورییێ كۆمبوو.
دكۆمبوونا واندا دووپاتی ل مۆكۆمكرنا هاریكاری و هه‌ماهه‌نگییا دناڤبه‌را هێزێن پێشمه‌رگه‌ی و له‌شكه‌رێ عیراقێ دگه‌ل هه‌ڤپه‌یمانییا نێڤده‌وله‌تیدا هاته‌ كرن.
سه‌رۆكێ هه‌رێمێ ئاماژه‌ ب هندێ دا، كارێ هه‌ڤپشك كلیلا ب هێزكرنا ئاسایشا عێراقێیه‌، ژلایێ خۆڤه‌ فه‌رمانده‌یێ هێزێن هه‌ڤپه‌یمانییا نێڤده‌وله‌تی پابه‌ندییا هێزێن هه‌ڤپه‌یمانان ل به‌رده‌وامییا پشته‌ڤانیكرنا عیراقێ و هه‌رێما كوردستانێ بۆ پاراستنا ئارامی و سه‌قامگێرییێ و نه‌هێلانا ترس و گه‌فێن داعشێ دووپاتكر.