<h2><span style="font-size: 18pt;">ئەم نوکە یێ دژینگەهەکێدا دژین ئێك چاڤ ل یێ دی دکەت، دبەرێدا هەمیا چاڤ ل زیرەکیا مامۆستای دکر و د گۆتن بلا وەکی فلان مامۆستای مەژی شیان هەبان، بەلێ ب مخابنیڤە نوکە مامۆستای یێ خۆ گەهاندییە وی ئاستی کەس چاڤ لێ ناكەت ژ بۆ ئاستێ وی یێ خواندنێ، دڤێت لبیرا مە بیت هەمی دەما مامۆستا جهێ چاڤلێکرنێ یە بۆ قوتابی.</span></h2> <h2><span style="font-size: 18pt;">ئەرێ ما قوتابی چ گونەها خۆ هەیە مامۆستایا وێ فیلەرێن جوانکاریێ مینا (بوتۆکس و فیلەر و مێکاپ) بکاربینت و ب (جلوبەرگێن نە فەرمی) دەوامێ بکەت، قوتابی یێ دتەمەنەکێ بچویكدا و بێ گونەهـ یێ چووی قوتابخانەیەکێ یان باخچەیەکێدا فێری خواندن و داهێنانێ ببیت نەکو ژبەر دیتنا جوانکاری و شێوازێ جلوبەرگێن مامۆستایا خۆ بتنێ هزر د لێگەریانا جلوبەرگا و توخکرنا مێکاپا بێ سنوور و چەوانییا مەزکرنا لێڤ و سەروچاڤان ببیت و پاشێ ل دویڤ بچت کا دێ چەوا وێ دەستکەفتا زێرێن ب دەستخۆڤە ئینت ئەوا ژ مامۆستایا خۆ فێربووی. ل ڤی دەمی دێ ل سەر هزرا قوتابی مینت کا دێ کەنگێ دووبارە بیتە وانا وێ مامۆستایێ ژبەر شێوازێ وێ نە ژبەر تام و خۆشییا بابەتێ وێ مامۆستایێ.</span></h2> <h2><span style="font-size: 18pt;">ڕێز ژبۆ هەر مامۆستایەکا ب دروستی ئەرکێ خۆ بجهـ دئینیت و ئەم قەردارێ وێنە ژبەرکو یێ زارۆکێن مە فێری خواندنێ دکەت، ژبەر هندێ بلا ئەم هەمی خۆ ب بەرپرسیار ببینن کو جوداهییێ بکەین دناڤبەرا جوانکاری و پەروەردە و خواندن و فێرکرنێدا.</span></h2> <h2><span style="font-size: 18pt;">بەلێ هەروەسا پێدڤییە کەرتێ پەروەردێ دیڤچوونەكێ بۆ ڤی بابەتی بکەت و هندەك ڕێنمایێن گرێدای جۆرێ جلوبەرگ و جوانکارییا سیمای ل سەر مامۆستایان بجهـ بینیت و دویر بن ژ بابەتێن کو نەهێژای کەسایەتییا مامۆستایان بن. ب دیتنا من هندەك ژوان چارەسەرییا ژی ئەڤەنە قەدەغەکرنا جلوبەرگێن هەمەرەنگ و ل جهێ وان جلوبەرگێن هەمان شێوە یان ب جلوبەرگێن فەرمی دەوامێ بکەت و هەروەسا دانانا هندەك فیلتەرێن فەرمی یێن د سەروچاڤاندا، داكو ڕوویەکێ جوانتر ب دەتە کەسایەتییا مامۆستایی.</span></h2> <h2></h2>
