مەسرور بارزانى سه‌رۆكێ حکومەتا هه‌رێما كوردستانێ پێشوازی ل د.محەمەد ئەلحەسسان نوونه‌رێ تایبه‌ت یێ سكرتێرێ گشتيیێ نه‌ته‌وێن ئێكگرتى ل عیراق و سەرۆکێ هنارتییێ UNAMI كر.
د كۆمبوونێدا، ڕەوشا گشتییا عیراق، دەڤەرێ و گوهۆرینێن ڤێ دووماهییێ یێن سووریا گوتۆبێژكر و دووپات ل گرنگی و پێدڤییا ڕێزگرتنێ، پاراستنا مافێن پێكهاتێن جودا ژ وان ژی گەلێ كورد كر.
هەردوولا د هەڤڕابوون ل سەر گرنگییا پاراستنا ئاسایش و سەقامگێرییا عیراقێ، هەروەسا د كۆمبوونێدا بەحس ل چارەسەركرنا ئاریشەیێن دناڤبەرا هەرێما کوردستانێ و حکومەتا فیدرال و دابینکرنا مافێن دەستووری و شایستەیێن دارایی یێن خەلكێ کوردستانێ کر.
