پشتی پەیوەندییا تەلەفۆنی دناڤبەرا ئەنتۆنی بلێنکن، وەزیرێ دەرڤە یێ ئەمریکا و هاکان فیدان، وەزیرێ دەرڤە یێ تورکیا، وەزارەتا دەرڤە یا ئەمریکا ڕاگەهاند،”نابیت تیرۆر زیانێ بگەهینیتە ئاسایشا تورکیا و سووریا”.
ئەڤرۆ شەمبی 28ـی کانوونا ئێکێ یا 2024ـێ، وەزارەتا دەرڤە یا ئەمریکا ڕاگەهاند،”پشتەڤانییێ ل پڕۆسەیا سیاسی یا سووریا دکەین، ڕێکێ نادەین تیرۆر زیانێ بگەهینیتە ئاسایشا تورکیا و سووریا”.
بەیاننامەیا وەزارەتا دەرڤە یا ئەمریکا د دەمەکیدایە کو ئەڤرۆ شەمبیێ، 28ـی کانوونا ئێکێ یا 2024ـێ، هاکان فیدان، وەزیرێ دەرڤە یێ تورکیا د پەیوەندیەکا تەلەفۆنیدا دگەل ئەنتۆنی بلێنکن، وەزیرێ دەرڤە یێ ئەمریکا دووپاتکر، هەبوونا “چەکدارێن کورد” ل سووریا یا ڕێکپێدای نینە.
