پێنج هزار و 120 كه‌س ئه‌ڤ ساله دێ چنه حه‌جێ” تێچوویێ ئێك كه‌س بۆ حه‌جا ئه‌ڤ ساله ب رێیا ئه‌سمانی حه‌فت ملیۆن دینارن و ب رێیا پاسێ ژی پێنج ملیۆن و 500 هزار دینارن.
كاروان ستوونی” په‌یڤدارێ رێڤه‌به‌رییا گشتییا حه‌ج و عومرێ ل هه‌رێما كوردستانێ” بۆ ئاژانسا خانی دیار كر: تێچوویێ حەجا سالا 2025 ێ” ژ لایێ حکومەتا عێراقێڤه هاتییه دیار كرن و بۆ هەر کەسه‌كێ حەفت ملیۆن دینارن و دیارکرنا وی پارەیی ژ لایێ بەغداڤە بوویه” هه‌روه‌سا ل 25-09-2024 ێ، پشككێشان بۆ ئەوان ناڤان هات كرن یێن كو ل سالا 2017 و 2023 ناڤێن خۆ تۆمار کرین و د وێ پشككێشانێ دا ناڤێن پێنج هزار و 120 کەسان ده‌ركه‌فتینه.
ناڤهاتی گۆت ژی: هه‌كه ئه‌ڤ ساله حكومه‌تا هه‌رێما كوردستانێ ب كوژمێ 4 ملیار و 200 ملیۆن دیناران پشته‌ڤانی ل پرۆسا حه‌جێ كرییه” هه‌كه ئه‌ڤ پشته‌ڤانیه نه‌با دا هه‌ر حه‌جییه‌ك یێ كو ب رێیا ئه‌سمانی دچیته حه‌جێ 7 ملیۆن و 600 هزار دیناران ده‌ت و ئه‌وێن ب رێیا هشكانییێ دچن دا 6 ملیۆن و 300 هزار دیناران ده‌ن” به‌لێ پشتی حكومه‌تا هه‌رێما كوردستانێ هاریكاریا وان كری” بهایێ تێچوونا حه‌جێ ل سه‌ر وه‌لاتییان كێمكرییه.
