عومه‌ر عه‌لی تاها ڕێڤه‌به‌رێ گشتییێ په‌روه‌رده‌یا پارێزگه‌ها دهۆكێ بۆ ئاژانسا خانی ڕاگه‌هاند، ئه‌ڤساله 1549 كه‌س ل سنوورێ په‌روه‌رده‌یا دهۆكێ دێ هێنه خانه‌نشینكرن، كو 72 سه‌رپه‌رشتییار و ژماره‌كا مامۆستا، ڕێڤه‌به‌رێن قوتابخانه‌یان، هاریكارێن ڕێڤه‌به‌رێن گشتی و فه‌رمانبه‌ران ب خۆڤه دگریت.
ئاشكرا ژی كر، خانه‌نشینكرنا مامۆستایان دڤی ده‌میدا، دێ ڤالاهییه‌كا مه‌زن ل ناڤه‌ندێن خواندنێ دروستكه‌ت، وه‌زاره‌تا په‌روه‌ردێ داخواز كرییه ئه‌و مامۆستایێن دێ دڤی ده‌میدا هێنه خانه‌نشكرن، ل سه‌ر كارێ خۆ د به‌رده‌وامبن و خانه‌نشینكرنا وان بۆ دووماهییا وه‌رزێ خواندنێ بهێته پاشخستن، دنوكه‌دا وه‌زاره‌تا په‌روه‌ردێ دگه‌ل جڤاتا سه‌رۆكایه‌تییا حكومه‌تێ ل سه‌ر ڤی بابه‌تی د دانوستانداندایه.
