پتر ژ 150 هزار ته‌كسییان ل دهۆكێ هه‌نه، ڕێڤه‌به‌رێ ڤه‌گۆهاستنێ ل پارێزگه‌ها دهۆكێ دیاركر، ئه‌ڤ ژماره گه‌له‌ك یا مه‌زنه و ژ ستانداردی بوورییه.
خوشەڤی ئوسمان، ڕێڤەبەرێ ڤەگوهاستنا پارێزگەها دهۆكێ بۆ ئاژانسا خانی ڕاگەهاند، 15 هزار و 50 ته‌كسی ل سه‌نته‌رێ پارێزگه‌ها دهۆكێ هه‌نه، ئه‌ڤ ژماره گه‌له‌ك یا زێده‌یه، ل دووڤ ڕێژه‌یا ستاندارد یا پێدڤیبوو ب تنێ دوو هزار ته‌كسی ل دهۆكێ هه‌بان.
سه‌باره‌ت ترۆمبێلێن پاسێن بچووك و كوسته‌ران ئه‌وێن ل پاركێن ڤه‌گۆهاستنێ كاردكه‌ن ئاشكراكر، ژماره‌یا وان ترۆمبێلان ژی گه‌له‌ك یا مه‌زنه و ژ پێدڤییا خه‌لكی زێده‌تره، جار هه‌بوویه ترۆمبێلا پاسا بچووك سێ ڕۆژان چاڤه‌رێ مایه هه‌تا سرا گه‌هشتییێ.
