سەرۆکێ حکومەتێ ؛
* کۆمبوونێن مە د ئەرێنی بوون و پێشکەڤتن و لێكتێگەهشتنەكا زۆر باش دناڤبەرا مە دا هەیە.
* سەرۆکێ ئێكەتییێ ؛
* ئارمانجا مە هەردو ئالییان ئەوە د زووترین دەمدا حکومەتەكێ دروست بکەین بۆ خزمەتکرنا مللەتێ مە.
پشتی نیڤرۆیا ئەڤڕۆ ئێکشەمبی 16 ی ئادارا 2025 ێ” مەسرور بارزانی سەرۆکێ حکومەتا هەرێما کوردستانێ، پێشوازی ل بافل تاڵەبانی سەرۆکێ ئێكەتییا نیشتمانییا کوردستانێ کر.
دانوستاندن دەربارەیی پێنگاڤ و ڕێکارێن پێکئینانا کابینا دەهێ یا حکومەتا هەرێما کوردستانێ هاتنە کرن.
هەردو ئالییان ئەو کۆمبوونە ب ئەرێنی هەڵسەنگاند و هەڤڕابوون ل سەر گرنگییا پێکئینانا حکومەتەكا ب هێز و ئێکگرتی و خزمەتگوزار د زووترین دەمدا.
پشتی کۆمبوونێ، د لێدوانەكا ڕۆژنامەڤانیدا، هەردو ئالییان تەكەزی ل سەر هندێ كر” كو ئەو کۆمبوونە زۆرا باش بوو و د سەقایەكێ ئەرێنیدا برێڤەچوو .
سەرۆکێ ئێكەتییێ گۆت “ کۆمبوونا مە زۆرا باش بوو ، ل سەر چەند تشتێن ستراتیژی کو بۆ مللەتێ مە باش بیت ڕێککەڤتین” کۆمبوونێن نە دێ د بەردەوام بن و ئارمانجا مە هەردو ئالییان ئەوە د زووترین دەمدا، حکومەتەكێ دروست بکەین بۆ خزمەتکرنا مللەتێ مە”.
سەرۆکێ حکومەتێ دیار كر “ئەڤە دوجارە کۆمبوونا مە یا باش و ئەرێنی بۆ لێک نێزیکبوون و دانوستاندنا ئەوان بابەتێن كو د گرنگن بۆ خەڵکێ کوردستانێ و دەڤەرا مە ب شێوەكێ گشتی” پێشکەڤتن و لێکتێگەهشتنا زۆر باش ل سەر ئەوان بابەتان هەبوویە و هیڤیدارم ، ئەو تیمە ژی بشێن هەر ب وێ ڕوحیەتێ بگەهنە ڕێککەڤتنەكا تەمام ل سەر پێکئینانا حکومەتێ د دەمەكێ نێزیکدا بۆ هندێ دلێ خەڵکێ کوردستانێ یێ خۆش بیت ب بەرەفپێشچوونا دانوستاندنێ دناڤبەرا مە دا.
