کامی کەمال، بەرپرسێ پشکا پەیوەندی و راگەهاندنا دەروازێ نیڤدەولەتییێ ئیبراهیم خەلیل، بۆ ئاژانسا خانی دیار کر: ئەم خەلکێ خوە یێ هێژا ئاگەهدار دکەین کو ئەڤرۆ سێشەمبی” ١٨ی ئادارا ٢٠٢٥ ێ، کێشێن تەکنیکی د سیستەمێ پشکا پاسپۆرتان ل دەروازێ خابوور ل وەلاتێ تورکیا دروست بوویە و یا بوویە ئەگەر هاتنوچوونا گەشتیاری و بازرگانی دناڤبەرا هەردو دەروازێن خابوور و ئیبراهیم خەلیل دا بهێنە راوەستاندن.
ناڤهاتی گۆت ژی: سەرپەرشتێ کومەلگەها دەروازێ ئیبراهیم خەلیل سەرەدانا دەروازەیێ خابوور کرییە و بەردەوام د هەماهەنگییێ دایە داکو ب زووترین دەم ئەڤ کێشەیە بهێنە چارەسەرکرن.
