سەرۆك بارزانی پێشوازی ل بالیۆزێ نوو یێ بریتانیا ل عیراقێ كر

ئەڤرۆ ل سەلاحەددین سەرۆك مەسعود بارزانی پێشوازی ل عرفان سەدیق، بالیۆزی نوو یێ بریتانیا ل عیراقێ كر.

د دیدارێدا كو ئاندرۆ بیزلی، كۆنسولێ گشتییێ بریتانیا ل هەولێرێ ژی ئامادە بوو، سەرۆك بارزانی بخێرهاتن و پیرۆزباهییەكا گەرم ل بالیۆزێ نوو یێ بریتانیا ل عیراقێ كر بۆ دەستبكاربوونا وی و زێدەباری دەربڕینا هەموو جۆرە پشتەڤانییەكا خۆ، هیڤییا سەركەفتنێ بۆ خواست د ئەرك و كارێن وی دا.

هەر د وێ دیدارێدا، بەحس ل ڕوودانێن دەڤەرێ ب گشتی و پەیوەندییێن دناڤبەرا حكومەتا هەرێما كوردستانێ و حكومەتا عیراقا فیدڕال و هەلبژارتنێن بهێت یێن جڤاتا نوونەرێن عیراقێ هاتە كرن.

ل دووماهییێ ژی دووپاتی ل پێشڤەبرنا دۆستایەتی و پەیوەندییێن دیرۆكییێن دناڤبەرا گەلێ كوردستانێ و بریتانیا هاتە كرن.