نێچیرڤان بارزانی: دێ هەموو بزاڤان بۆ دابینكرنا ژیانەكا ژ هەژی بۆ مامۆستایان كەین

سەرۆكێ هەرێما كوردستانێ 63 سالییا دامەزراندنا پارتی دیموكراتی كوردستان ل هەموو مامۆستایان پیرۆزكر و دیاركر، ئەو دێ هەموو بزاڤان بۆ دابینكرنا ژیانەكا ژ هەژی بۆ مامۆستایان كەن.

سەرۆكایەتییا هەرێما كوردستانێ پەیاما پیرۆزباهییا نێچیرڤان بارزانی سەرۆكێ هەرێما كوردستانێ ل سالیادا دامەزراندنا ئێكەتییا مامۆستایان بەلاڤكر.

ل دووڤ پەیاما سەرۆكایەتییا هەرێما كوردستانێ، نێچیرڤان بارزانی پەیاما بلند و ڕۆلێ مامۆستایان د پێگەهاندنا نڤشاندا بلند نرخاندییە.

سەرۆكێ هەرێما كوردستانێ پشتراستی دا كو دێ هەموو بزاڤان كەن، ژیانەكا ژ هەژی بۆ مامۆستایان بهێتە دابینكرن كو دگەل پێگەهێ پەروەردەیی و نیشتیمانی بگۆنجیت.

هەروەسا نێچیرڤان بارزانی دپەیاما خۆدا ڕاگەهاند، دێ ل سەر كاركرنێ بۆ دابینكرنا ژینگەهەكا فێركرنێ یا گۆنجای و هەڤچەرخ كو وەبەرهێنانەكا ئێكسەرە د پاشەرۆژا كوردستانێدا د بەردەوامبن.

سەرۆكێ هەرێما كوردستانێ دیاركر، مامۆستا د بنیاتدانانا كۆمەلگەهێدا د پیشەنگن و گوت: گەرەنتییا پەروەردەكرنا مرۆڤێ هشیارن كو شانازییێ ب ناسنامەیا خۆ دبەن.

زێدەتر ئاشكراكر، مامۆستایان د هەموو قۆناغاندا دلسۆزییا خۆ سەلماندییە، هەر ل گۆرەپانێن خەباتێ هەتا هۆلێن خواندنێ، هەردەم پارێزەرێن هۆشیار و زمان و بهایان بوون.

ڕۆلێ وان د بەردەوامییا پرۆسەیا فێركرنێدا د دژوارترین كاوداناندان، جهێ ڕێز و پێزانینێ یە.

نێچیرڤان بارزانی دپەیاما خۆ دا ڕاگەهاند، ئەو ب ڕێز و پێزانینڤە قوربانیدانا ئەوان مامۆستایان ل بیرد ئینن ئەوێن گیانێ خۆ ژ پێخەمەت ئازادییێ بەخشی، سلاڤ بۆ هەموو وان مامۆستایێن ب دلسوزی ئەركێ خۆ یێ پیرۆز بجهئینای.