مه‌سرور بارزانى سه‌رۆكێ حكومه‌تا هه‌رێما كوردستانێ د سالڤه‌گه‌ڕا 49 سالییا شۆڕه‌شا گۆلانێدا، ڕێز و پێزانینێن خۆ بۆ هه‌موو تێكۆشه‌ر، خەباتکار، فەرماندە و پێشمەرگەیێن د وێ شۆڕه‌شێدا پشكدار دیاركرن و ڕاگه‌هاند، وان ب باوه‌رییه‌كا بلندڤه به‌ره‌ڤانى ژ گه‌لێ كوردستانێ كریه، ئێكڕێزییا هه‌موو پێكهات، هێز و لایه‌نێن كوردستانێ ژ بنه‌مایێن گرنگ یێن شۆڕه‌شا گۆلانێ نه.
سه‌رۆكێ حكومه‌تا هه‌رێمێ دیاركر، شۆڕه‌شا گۆلانێ وه‌ك درێژه‌پێده‌را شۆڕه‌شا ئه‌لیۆلێ ب سه‌ركێشییا بارزانییێ نه‌مر، پلانێن دوژمنێن كوردستانێ تێكشاندن و ب ڕێیا گیانفیدای و بەردەوامبوونا خەبات و تێکۆشانێ، ئاسۆیەکێ نوو ل به‌رامبه‌ر خه‌لكێ کوردستانێ ڤه‌كر .
مه‌سرور بارزانى دووپاتكر، شۆڕه‌شا گۆلانێ بوویه ئه‌گه‌رێ دروستبوونا سه‌رهلدانا ئادارا 1991ـێ و ب ده‌ستڤه‌ئینانا هەموو دەستکەڤتێن نشتیمانى.
