ل دووڤ زانیارییێن میدیایی، بالیۆزخانەیا ئەمریكا ل عیراقێ ب فەرمی دگەل محمەد شیاع سوودانی سەرۆكوەزیرێن عیراقێ ئاخڤتییە، هۆشداری داینێ كو دڤێت بابەتێ مووچەیێ فەرمانبەرێن هەرێما كوردستانێ بهێتە چارەسەركرن، ئەگەر چارە نەبیت، دێ ڕەوشەكا خرا ل دەڤەرێ پەیدا بیت و پەیوەندییێن هەولێر و بەغدا گەلەك تێكچن.
هەروەسا زانیاری دیاردكەن، نوكە محەمەد شیاع سوودانی ل هیڤییا هندێیە، سەرۆكێ دادگەها فیدرالی بریارەكێ بۆ خەرجكرنا مووچەیێ فەرمانبەرێن هەرێمێ دەربێخیت، داكو ئەوژی ژلایێ خۆڤە چاروچووڤەیەكێ قانوونی پەیدا بكەت، دەست ب هنارتنا مووچەیێ مووچەخۆر و فەرمانبەرێن هەرێما كوردستانێ بكەت.
