” ئیسرائیلێ یەكەمین هێریشێن خوە یێن ئەسمانی ئەنجام دان ل سەرێ سبەها ١٣ێ حوزەیرانێدا، ب بکارئینانا زێدەتر ژ ٢٠٠ فڕۆكەیان و هاڤێتنا نزیكی ٣٣٠ تەقەمەنیان، زێدەباری بجیهئینانا ١٠٠ ئارمانجان دناڤ ئاخا وەلاتێ ئێرانێدا، كە جهێن گرنگ یێن ووزەیا ئەتومیی ل (نەتەنز، فۆردۆ، ئەسفەهان)، كارگەهێن مووشەكان ژی لێ هەنە، وان ئارمانجان ماڵێن بەرپرسێن پلە بلند یێن ئیرانێ و زانایێن ئەتۆمی ب خوەڤە گرتینە .
د ڤان هێریشان دا كوشتنا فەرماندەرێن ئەمنیێ ئێرانێ هەیە، دناڤ دا فەرماندەیێ لەشكەرێ سۆپایێ پاسداراێن ئیرانێ ژی هەیە، سەرەڕای ژمارەكا زانایان، دگەل برینداربوونا نیزینگ ٣٢٠ کەسان و زێدەتر ژ ٧٠ ژ وان کەسێن مەدەنی نە ”
ئەڤە ئەو نووچە بوو یا کو بەری دوو ڕۆژان، ئاگر بەردایە سەر بەرپەرێن هەموو میدیایێن ناڤخویی و جیهانی، و وەکی برۆسییان بەلاڤ بووی .
د ڤێدەرێ دێ بەحسێ فۆکسا میدیایێن جیهانی کەم، چاوا رۆمالا شەرێ دناڤبەرا ئیسرائیل و ئیرانێ دا کرن، بێ کو چ بۆچوون و دیتن و شرۆڤەیێن خوە دەربارەی وی شەری بێژم بلا ئەو بابەت بۆ چاڤدێرێن سیاسی بێت، تنێ بەحسا وێ چەندێ کەم، راگەهاندنا جیهانی و ب تایبەت :
BBC
CNN
Sky News
Al جزیرة العربیة
چاوا و ژ چ کۆشەیەکێ ڤە رۆمالا و بەحسا ڤی شەری کرن
بی بی سی BBC : کەنالەکی بریتانی یە سەر ب حکومەتا وی وەلاتی ڤە، رۆمالا هەموو روودانێن جیهانی دکەت، بزاڤێ دکەت بێ لایان بێت و ب پێشەیی کار بکەت، لێ د هێریشا ئیسرایلێ دا بۆ سەر ئیرانێ دا بێ لایان نەبوو بەلکو
– جەخت ل سەر رێکارێن دیبلۆماسی و چارەسەریێ دکر، زێدەباری بکارئینانا زمانەکی تژی دیبلۆماسی ژ بۆ ڤەشارتنا ڕاستییان .
– بزاڤ دکر هەردوو ئالیان ب یەکسانی نیشان بدەت
– د ڤی بابەتی دا BBC گەلەک جاران ژ بۆ بینەری گۆمان و شوبهە چێدکرن .
سی ئێن ئێن CNN : کەنالەکی تایبەتە، ل ئەمریکا یە پاڵپشتیا وی یا ماددی گرێدایی ب ڕێکلام و گرێبەستا دگەل کۆمپانێن مەزنە، مەیلا وی یا لیبرالی یە، و پشتەڤانیە پارتا دیموکراتی یا ئەمریکا دکەت، گەلەک گرنگیێ ب پێشەیا ڕۆژنامەڤانی و بابەتێن تایبەت ددەت .
لێ د مەسەلەیە ئیسرائیل و ئیرانێ دا، لایەنگریەکا تەمام ژ بۆ ئیسرائیلی د رۆمالا وی دا دهاتە دیتن ژبەر پشتگێرییا ئەمریکا ژ بۆ ئیسرائیلی CNN وەسا بەحسێ شەرێ دناڤبەرا ئیسرائیل و ئیرانێ دکر
– پشتەڤانی ل کار و هەلوویستێ ئیسرائیلێ دکر
– هەبوونا ئیرانێ وەک هەڕەشە ژ بۆ ئاسایش و ئاشتیێ ل دەڤەرێ نیشان ددا
– گەلەک بەحس ل پرۆگرامێ ئەتومی یێ ئیرانێ دکر، ب مەترسی ب ناڤدکر و دگۆت پشتەڤانییە گرۆپێن چەکدار دکەت
– هەر دەم ( ئیران ) وەک تیرۆریست ب ناڤدکر، ( ئیسرائیل ) ژی وەک تاکە وەلات ژ بۆ دیموکراتیێ ل دەڤەر ددا دیارکرن
– د نووچەیێن بلەز دا ڕەنگێ سوور ژ بۆ ئیرانێ و شین ژ بۆ ئیسرائیلێ، دیسان ئینانا مۆزیکێن ب ترس ل دەمێ بەحسێ ئیرانێ دهاتە کرن، زێدەباری وێ چەندێ وێنەیێ زۆلم لێکری یێ ژن و زارۆکان بتنێ ل ئالیێ ئیسرائیلی نیشان ددا .
سکای نیۆز Sky news : کەنالەکی بریتانی یە، دیسان کۆپیەکا ئیمارەتی ژی هەیە، بزاڤێ دکەت نووچەیێ ب کۆالتیەکا سەرنجراکێش و راست دیار بکەت، لێ د بابەتێ ئیسرائیل و ئیرانێ دا نە کۆالتیەیا نووچەیێ و نە ڕاستیەکە رەها بوو، بەلکو
– پشتەڤانیە هەلویستێ ڕۆژئاڤا دکر، ب تایبەت بریتانیا
– تەکەزی ل سەر مەترسیا ئیرانێ ل سەر دەڤەرێ دکر
– نووچەیێن د سایتێ BBC دا نۆرمال دهاتنە خواندن و گوھ لێبوون، Sky news وەک نووچەیێن بلەز نیشان جیهانێ ددان .
الجزيرة العربية : کەنالەکی عەرەبی قەتەری یە، د بیاڤێ زمان و چاوەنیا پێشکێشکرن و نڤیسانا نووچەیان دا شێوازەیەکی جێواز هەیە، ب وێ چەندێ یا ب ناڤ و دەنگە کەنالەکە د بچووکترین بابەت ژی دا لایەنگێریێ دکەت، د رۆمالا شەرێ ئیسرائیل و ئیرانێ ل کەنالێ الجزیرة وەسا هاتە دین
– بزاڤ کر شرۆڤەکارێن سیاسی ژ هەردوو ئالیان بینە دناڤ رۆمالێ دا
– بکارئینانان پەیڤێن ( موساد + تیرۆریست ) ب شێوازەکی بەردەوام
– دیسان دیارکرنا وان زیانێن ب ئیرانێ دەفتین ژ وەقعی زێدەتر
ژبەر الجزیرة کەنالەکی قەتەری یە و دبنیات دا دژی سیاسەتا ئیرانێ یە ، ژبەر مەسەلە غەزە و فەلەستینی ژی نکارێت راستەخۆ پشتەڤانیە ئیسرائیلێ بکەت د ڤی بابەتی دا، لێ ئەگەر بینەریەکا باش لی بهێتە کرن پتر کێماسیێن ئێرانی نیشان ددان، بچووکترین نووچە ژی ئەگەر زیان ژ بۆ ئیرانی بە دکرنا نووچەیا بلەز .
د ڤێدەرێ دیار دبێت راگەهاندن بتنێ ئامرازەک نینە ژ بۆ گەهاندنا زانیاران، بەلکو چەککی ب هێزا د جیهانا سیاسی و دەروونی دا، ئەڤ چەندا ژی د شەرێ دناڤبەرا ئیسرائیل و ئیرانێ دا یێ ڤێ داویی دیار بوو، چاوا راگەهاندنا جیهانی رۆلەکی سەرەکی دگێڕێت د گهورینا هزر و بیریێن رەئیا گشتی دا دەربارەی شەران، وان بڤێت دێ کێ تیرۆریست نیشان ددن و کێ ئاشتی خواز، دیسان کی سەرکەفتی و کی شکەستی !!!
