نێچيرڤان بارزانى، سه‌رۆكێ هه‌رێما كوردستانێ، پێشوازی ل يان برێم، كونسولێ گشتيىێ فره‌نسا ل هه‌رێما كوردستانێ كر.
داوی پێشهاتێن رەوشا ڕۆژهه‌ڵاتا ناڤین و ئه‌گه‌ر و لێكه‌فتێن شه‌ڕ و پێكدادانێن ب سه‌ر رەوشا ڤێ دەڤەرێ و ئارامى و سه‌قامگيريیا هەرێمی و نێڤده‌وله‌تی هاتنە بەحسكرن و بەحسێ مه‌ترسييێن ئه‌گه‌رێ بەرفرەهبوونا زێدەتر یا ئاڵۆزييان هاتە كرن.
هه‌ردو ئالی هەڤڕا بوون ل سه‌ر گرنگيیا بزاڤان بۆ ئارامكرنا رەوشێ و ڕاوه‌ستاندنا شه‌ڕ و پێكدادانان، هه‌روه‌سا تەكەزی ل هه‌ڵویستێ فره‌نسا و هه‌رێما كوردستانێ كر” كو رێكێ ل بەرفرەهكرنا زێدەتر بگریت و كێشه و ناكۆكيیان ب گوتۆبێژان و ب ڕێكێن ديپلۆماسی بهێنە چاره‌سه‌ر كرن.
كونسولێ گشتيىێ فره‌نسا كوتییەك ل سه‌ر بزاڤێن فره‌نسا و سه‌رۆك ماكرۆنی بۆ ڕاوه‌ستاندنا شه‌ری و چاره‌سه‌رىیا ئاشتييانه یا كێشان بەرچاڤكر” هه‌روەسا رۆناهی خستە سه‌ر بزاڤێن فره‌نسا د چارچوڤێ ترۆيكا یا ئورۆپيدا بۆ ڕێكگرتن ل بەلاڤكرنا رەوشێ و ڤەگه‌ڕاندنا لايه‌نان بۆ گوتۆبێژ و ڕێگه چاره‌یا ديبلۆماسى.
په‌يوه‌ندييێن فره‌نسا ل گه‌ل عێراقێ و هه‌رێما كوردستانێ، په‌يوه‌ندييێن هه‌ولێر ـ به‌غدا و چه‌ند پرسێن دیتر هاتنە بەحسكرن.
