نێچیرڤان بارزانی و نوونەرێ UNێ: چارەسەركرنا ئاریشەیێن هەولێر و بەغدا دبەرژەوەندییا هەموو عیراقێدایە

نێچیرڤان بارزانی سەرۆكێ هەرێما كوردستانێ دگەل د. محەمەد ئەلحەسسان نوونەرێ تایبەتێ سكرتێرێ گشتییێ نەتەوەیێن ئێكگرتی و سەرۆكێ هنارتییێن نەتەوەیێن ئێكگرتی بۆ هاریكارییا عیراقێ ( یوونامی ) كۆمبوو.
دكۆمبوونا واندا، ڕەوشا سیاسی و گشتییا عیراقێ و هەرێما كوردستانێ و هاریكاری و هەماهەنگییا دناڤبەرا یوونامی و لایەنێن پەیوەندیداردا ل عیراقێ و هەرێما كوردستانێ هاتنە گوتۆبێژكرن.
نێچیرڤان بارزانی سوپاسی و پێزانین بۆ ڕۆلێ دیار و هاریكارییێن نەتەوەیێن ئێكگرتی و یوونامی دبیاڤێن جۆدا دا بۆ عیراقێ و هەرێما كوردستانێ دووپاتكرن، هەروەسا ئامادەییا هەرێما كوردستانێ بۆ پێشكێشكرنا هەموو ئاسانكاری و هەماهەنگی و پشتەڤانییەكا پێدڤی هەتا ب دووماهی هاتنا ئەركێ وێ نیشاندا.
ژلایێ خۆڤە ئەلحەسسانی پەسنا نەتەوەیێن ئێكگرتی و یوونامییێ بۆ هاریكارییا لایەنێن پەیوەندیدارێن هەرێما كوردستانێ كر، دووپاتی ل گرنگییا پاراستنا عیراقێ ژ ئاریشەیێن دەڤەرێ كر.
هەردوو لایان چارەسەركرنا ئاریشەیێن هەولێر و بەغدا و لێكتێگەهشتنا دناڤبەرا واندا ب پێدڤی زانی كو د بەرژەوەندییا تماما عیراقییاندا بیت و خزمەتا پاراستنا ئارامی و سەقامگێری و گەشەكرنا وەلاتی بكەت.