دهۆک سوبههی نە بتنێ باژێرەکە د ئاهەنگەکێ دا، بهلکو هەمی کوردستانە د دهمژمێرەکا سهربلندیێ دا
سوبەهی، دهۆک شارەکێ ئاسایی نابیت.
سوبەهی، چیایێن وێ دێ ببنە مهیدانێن ههوارهلدانێ، و ئەسمانێ وێ دێ بیتە ئالایەکێ زەر ب سەربلندیێ ڤە ، و دلێن زارۆکێن وێ دێ ببنە پشکۆرینەکا دلسۆزی و باوهریێ.
سوبەهی، دهۆک نه پێشوازیێ ل ڤیستیڤالەکێ دکهت، بەلکو قۆناغەکا نوى ژ داستانا ڤیانەکێ دگەل پارتی دێ نڤیسیت کو بوویە وژدان دناڤ هەمی مالەکا کوردستانێ دا — پارتی دیموکراتی کوردستان.
ل یاریگەها نێڤدەولەتی، دهنگ بتنێ ههوارهلدانهک نابیت ، بهلکو بهلێنهکە نوو دبیتهڤه، و پهیمانهکە ل سەر سنگێ پێنجی هزار دلان دهێته نڤیسین یێن ژ ههمی ئالییان ڤه دهێن، هەمان خەونە، ههمان باوەرییە ، و ئهو یەقین ودلبەندیا ههی کو رێباز ب تهمامى بتنێ ب وان دهستان دئێته چێکرن یێن ئاڤاکری.
نێچیرڤان بارزانی و مەسرور بارزانی دێ ئامادە بن — نه بتنێ وهک دو سهرکرده، بهلکو وهک دو رەمزێن بۆ دهیان سالێن سهقامگیری و دووربینی و وهفاداریێ بۆ مللەتی . دێ ل ناڤ خەلکی راوەستن وهکو ههردەم فێر بووین، بێی هیچ مهودایێن وان ژ جهماوەری ڤهقهتینن، چونکه پارتی دیموکراتی ڕۆژەکێ نهبوویە حزبا دەستەلاتێ، بهلکو مالا گەلی و دهنگێ کوردستانێ بوویه.
ئهو پتر ژ کهرنهڤالهکێ یه، ئهو نهفسا (لێدانا دلی یا) کوردستانێ یه د دهمژمێرا راستیێ دا — پهیامهکە ب کەیفخۆشییێ ڤه بۆ دوستان، و ب رهنگێ سهرفرازیێ ڤه هاتیه نڤیسین بۆ یێ ههوڵ دده گومانێ د قهبارێ ڤی رۆخسارێ (شهپۆلێ) دا بکهت یێ نه بتنێ ب ژماران، بهلکو ب باوهریێ دهێته پێڤان.
ل ژێر درووشمێ “پتر ژ ملیۆنەک دەنگ”، دهۆک دجوولیت دا کو بۆ جیهانێ بێژیت:
ئەم تەنێ ژماره د سندوقێن دهنگدانێ دا نینین ، ئهم رههـ و(بنهرهت)ێن ڤێ ئاخێ و بیرهاتن و سترانا وێ یێن نههێنه ژبیرکرن.
ئهم بهردهوامیا سروشتیا رێبازەکێ نه یا ژ چیایان دهستپێکری، و ب وهفاداریێ چووی حهتا گههشتیه دلان.
سوبههی، دهۆک دێ ب کهنیێ رون بیت ، و دهنگێن گهنجان وئافرەتان دێ دگەل لێدانا دلێ پـێشمهرگێن دێرین تێکهل ببن، و رابردوو دێ دگەل نها یێ ئێکگرتی د رهنگدانهکێ دا ژ وهفاداریێ و کەیفخۆشیێ.
ههموو کهس دێ زانیت کو پارتی دیموکراتی کوردستان نهبوویە تەنێ پارتەکا سیاسی، بهلکو گیانهکێ نشتیمانییه د شریانێن کوردستانێ دا دهێت ودچیت ، و چیڕۆکا گهلەکی یە یێ مێژوویا خۆ ب خەبات و باوهری و رهوشتێ خۆ نڤیسی.
و ژ لقێ ئێکێ پارتی ل دهۆکێ ، پهیاما مهزن دهسپێک دکهت:
ئهم ل ڤێرێ نە، وهکو دهمێ بوری، و وەکی جاران دێ هەر مینین — وهفادار بۆ ئاخێ، بۆ وهلاتی، و بۆ خەونا کوردستانێ.
ئهم ئەو حزبین یا ژ ناڤ ئێش و ئازاران (مەینەتان ) هاتى، و ب دلسۆزیێ مهزن بووى، و هەستییێ وێ ب باوهرییا ملیۆنان ب هێز بووی.
دهۆک سوبههی نە بتنێ باژێرەکە د ئاهەنگەکێ دا، بهلکو هەمی کوردستانە د دهمژمێرەکا سهربلندیێ دا.
و ژ دلێ وێ، دێ بۆ جیهانێ هێته گۆتن:
پارتی دیموکراتی کوردستان… نە بتنێ ژمارەیەکە د ههلبژارتنان دا، بهلکو نهفسا (لێدانا دلێ) ئۆمهتەکێ یه یا چ جاران نە هێتە راوەستاندن.
ئەحمەد زوبێر بانی
