بریكارێ وهزارهتا پێشمهرگه ئاشكرا كر كو هێزهكا پهكهكێ ژ ههشت چهكداران پێكدهاتن بزاڤ كرینه ب نهقانوونى بهێنه د ناڤا ئاخا ههرێما كوردستانێ دا و ژلایێ پێشمهرگهى ڤه رێك لێ هاتیه گرتن.
بریكارێ وهزارهتا پێشمهرگه دیاركر ژى كو پشتى ڤێ رویدانێ هێزهك كو نێزیكى 60 چهكداران بوون و سهر ب یهپهگێ ڤه بوون، ژ روژئاڤایێ كوردستانێ ب چهكێ گران و ناڤنجی هێرش كریه سهر پێشمهرگهى ل سحێلا، نیازا وان ئهوبو زیانهكا مهزن بگههیننه پێشمهرگهى، لێ پێشمهرگهى شكست ب هێرشا وان ئینا و گوت: ب سهرشورى زڤرینهڤه.
سهربهست لهزگین، بریكارێ وهزارهتا پێشمهرگهى بهرسڤا تویتهكا مهزلووم عهبدی، فهرماندارێ هێزێن سوریا دیموكرات ههسهدێ دا كو پارتى ب هێرشا سهر پهكهكێ تۆمهتبار كربوو و راگههاند، مهزلووم عهبدی و ههڤالێن خو د ئاخڤتن و بووچونێن خو دا ئازاد نینن و ههموو بریارێن وان ژ نك مامۆستایێن وان یێن ل قهندیلی دهێن، ژبهركو ئهو ب خو ژى دزانن ئهو چهندا ل ئامێدیێ و دهڤهرێن دى رووداى، ههر چهكدارێن پهكهكێ بوون هێرش كریه سهر خالێن پێشمهرگهى، وان ههمووییان رێز ل خالێن پشكنینێ گرتیه و ئهو چهنده قهبوولكریه كو پسیار ژ ناسنامێن وان و خهلكێ وان بكهن، لێ ئهو چ حسابهكێ بۆ دهستههلاتا حكومهتا ههرێما كوردستانێ ناكهن، ئهڤهژى زورداریهكا مهزنه و وان بهردهوام خوه ل بهر گرتییه.
سهربهست لهزگین، بریكارێ وهزارهتا پێشمهرگهى گۆت ژى: پێدڤیه مهزلووم عهبدی ژ وان خهلكێ روژئاڤایێ كوردستانێ بپرسیت كو چهندین ساله ل كهمپێن ههرێما كوردستانێ دژین، لێ ژبهركو بۆچونێن وان د گهل یێن پهكهكێ ناگونجن، نه بتنێ پسیار ژێ ناكهن، بهلكو رێكێ ژى نادهنێ بچنه رۆژئاڤایێ كوردستانێ، ژبهركو ههر كهسهكێ وهكو وان هزر نهكهت، ئهو وى كهسى ب مرۆڤ ژى نادانن.
سهربهست لهزگین، بریكارێ وهزارهتا پێشمهرگهى خواست كو جارهكا دى پهكهكه و دهست و گرۆپێن سهر ب وان ڤه كارێن ژ ڤى شێوهى دوباره نهكهن یێن وهكى شڤێدى رووداین.
